Ramurmurthi Naidu : రామ్మూర్తి నాయుడు అంత్యక్రియల్లో ఇవి గమనించారా...?

ఆంధ్రప్రదేశ్ సీఎం చంద్రబాబు తమ్ముడు రామ్మూర్తి నాయుడి అంత్యక్రియలు ముగిశాయి. అధికార లాంఛనాలతో నారావారిపల్లెలో అంతిమ సంస్కారాలు పూర్తి చేశారు. సీఎం చంద్రబాబు నాయుడు తమ్ముడు రామ్మూర్తి నాయుడి పాడె మోశారు. రామ్మూర్తి నాయుడు అంతిమ యాత్రలో పెద్ద సంఖ్యలో అభిమానులు, టీడీపీ కార్యకర్తలు పాల్గొన్నారు. రామ్మూర్తి నాయుడి అంత్యక్రియల్లో నారా, నందమూరి కుటుంబ సభ్యులు కన్నీళ్లు పెట్టుకున్నారు. నారా రామ్మూర్తి నాయుడు తెలుగుదేశం పార్టీ తరపున 1994లో చంద్రగిరి నుంచి పోటీ చేసి ఎమ్మెల్యేగా గెలుపొందారు. ఆ తర్వాత వివిధ పదవుల్లో పార్టీకి, ప్రజలకు సేవ చేశారు. కొంతకాలంగా అనారోగ్యంతో బాధపడిన ఆయన హైదరాబాద్ గచ్చిబౌలిలోని ఏఐజీ ఆస్పత్రిలో కన్నమూశారు. నారా రోహిత్‌, గిరీష్‌లను చంద్రబాబు ఓదార్చి ధైర్యం చెప్పారు. చంద్రబాబు దగ్గరుండి అన్ని ఏర్పాట్లు చేశారు.