TTD : కల్తీ నెయ్యి కేసులో సంచలనం.. సుబ్రహ్మణ్యం వెనక వైసీపీ పెద్దలు

TTD : కల్తీ నెయ్యి కేసులో సంచలనం.. సుబ్రహ్మణ్యం వెనక వైసీపీ పెద్దలు
X

తిరుమల లడ్డు కల్తీ నెయ్యి కేసులో రోజుకు ఒక సంచలన ట్విస్టు బయటకు వస్తోంది. ఇంతటి మహాపాపంలో చాలామంది చేతులు కలిపినట్లు తెలుస్తోంది. కేవలం వైసీపీ నేతలే కాకుండా టీటీడీ అధికారులు కూడా ఇందులో పాలుపంచుకున్నట్లు సిబిఐ ఎంక్వయిరీలో బయటపడుతుంది. తాజాగా అప్పటి టీటీడీ మార్కెటింగ్ జీఎం సుబ్రహ్మణ్యం రిమాండ్ రిపోర్టులో కొన్ని కీలక విషయాలు బయటకు వచ్చాయి. సుబ్రహ్మణ్యం జిఎంగా ఉన్నప్పుడే ఒకసారి నెయ్యి పరీక్షల్లో బిటా సిటో స్టెరోల్ ఉన్నట్లు గుర్తించింది మైసూరు సి ఎఫ్ టి ఆర్ ఐ. కానీ ఈ విషయాన్ని బయట పెట్టకుండా సుబ్రహ్మణ్యం సదరు డెయిరీ కంపెనీల ప్రతినిధులతో పాటు అప్పటి టీటీడీ బోర్డు పెద్దల నుంచి పెద్ద మొత్తంలో లంచాలు తీసుకున్నట్లు సిబిఐ అధికారులు గుర్తించారు.

ఈ విషయాన్ని బయట పెట్టకుండా ఉండేందుకు మూడున్నర లక్షల రూపాయలు వెండి ప్లేటు ఒక ఫోను సుబ్రహ్మణ్యం లంచంగా తీసుకున్నట్లు సీబీఐ అధికారులు గుర్తించారు. సుబ్రహ్మణ్యం నోరు విప్పకుండా ఉండేందుకు వైసిపిలోని అప్పటి టీటీడీ పెద్దలు చాలానే ఒత్తిడి చేసినట్టు కూడా తెలుస్తోంది. ఈ విషయాలను సుబ్రహ్మణ్యం సిబిఐ ముందు ఉంచినట్లు సమాచారం. వైసిపి పెద్దలతో పాటు బోలె బాబా డెయిరీ ప్రతినిధులతో కలిసి ఉద్దేశపూర్వకంగానే నేరపూరిత కుట్ర చేసినట్టు సిబిఐ అధికారులు చేసిన విచారణలో తేలింది. చూస్తుంటే ఈ కేసులో సుబ్రహ్మణ్యం ఒక్కడే కాకుండా చాలామంది టీటీడీ అధికారులు కూడా పాలుపంచుకున్నట్లు తెలుస్తోంది. ఎందుకంటే నెయ్యి కల్తీగా ఉందా లేదా అనే విషయం ఆ నెయ్యితో లడ్డూలు తయారు చేయించే అధికారులకు కూడా ఎంతో కొంత తెలిసే అవకాశాలు ఉంటాయి కదా.

అంటే ఇంత పెద్ద వ్యవస్థను మేనేజ్ చేశారు అంటే వైసిపి నేతలు ఏ స్థాయిలో మానిప్యూలేట్ చేశారో అర్థం చేసుకోవచ్చు. గతంలో ఎన్నడూ లేని విధంగా వైసీపీ అక్రమాలు సాక్షాలతో సహా బయటపడుతున్నాయి. అయినా సరే ఇవేవీ తమకు పట్టనట్లు వైసిపి నేతలు ఎంతలా డైవర్టు రాజకీయాలు చేస్తున్నారో మనం చూస్తూనే ఉన్నాం. వీటన్నింటినీ డైవర్ట్ చేయడానికి ఎన్నడూ లేనివిధంగా జగన్ కు ఇప్పుడు ఏపీలో రైతుల సమస్యలు గుర్తుకు వస్తున్నాయి. అంతేకాకుండా గోవధ అంటూ కొత్త నాటకాన్ని తెరమీదకు తీసుకొచ్చే ప్రయత్నాలు చేస్తున్నారు. కానీ జగన్ ఎన్ని డైవర్ట్ పాలిటిక్స్ చేసినా సరే ఏపీ ప్రజలు మాత్రం వాళ్లు చేసిన అరాచకాలను మర్చిపోవట్లేదు.


Tags

Next Story