Polavaram Project : పోలవరం ప్రాజెక్టులో కీలక ఘట్టం..స్టే రింగ్స్ ఏర్పాటు

ఆంధ్రప్రదేశ్ జల వర ప్రదాయని ప్రతిష్టాత్మకమైన పోలవరం ప్రాజెక్ట్‌లో కీలక ఘట్టానికి అధికారులు శ్రీకారం చుట్టారు. పోలవరం ఇరిగేషన్‌ ప్రాజక్టులో కీలకమైన జలవిద్యుత్‌ కేంద్రం టర్బైన్ల ఏర్పాటులో స్టే రింగ్‌ల అమరిక పనులను ప్రారంభించారు. ఈ అమరికకు 320 టన్నుల సామర్ధ్యం కలిగిన క్రాలర్‌ క్రేన్‌ వినియోగించారు. స్టే రింగ్ అమరిక పనుల ప్రారంభ సందర్భంగా పూజా కార్యక్రమం చేపట్టారు. ప్రాజెక్టులో ఈ స్టే రింగ్‌లు కీలక పాత్ర పోషిస్తాయి. ఒక్కో స్టే రింగ్ 4 విభాగాలుగా ఉంటుంది. దీని బరువు 136 మెట్రిక్ టన్నులు. విద్యుత్ ఉత్పత్తికి వినియోగించే కప్లాన్ టర్బైన్ లు సమర్ధవంతంగా పనిచేయడంలో ఈ స్టే రింగ్‌లు కీలక పాత్ర పోషిస్తాయి.