నాగార్జున సాగర్‌ ప్రాజెక్టుకు పోటెత్తుతున్న వరద.. 20 గేట్లు ఎత్తివేసిన అధికారులు..

జిల్లాలో కురుస్తున్న భారీ వర్షాలతో నాగార్జున సాగర్‌ ప్రాజెక్టుకు వరద పోటెత్తుతోంది. నీటిమట్టాలు పెరగడంతో అధికారులు 20 గేట్లను ఎత్తి దిగువకు నీటిని విడుదల చేశారు, ప్రస్తుతం ఇన్‌ఫ్లో మరియు అవుట్‌ఫ్లో 300,995 క్యూసెక్కులుగా నమోదైంది. ప్రాజెక్టు పూర్తిస్థాయి నీటిమట్టం 590 అడుగులకు చేరుకోగా, ప్రస్తుత నీటిమట్టం 585.30 అడుగులకు చేరింది.

ప్రాజెక్టు పూర్తిస్థాయి నిల్వ సామర్థ్యం 312 టీఎంసీలు కాగా, ప్రస్తుత నిల్వ 298 టీఎంసీలుగా ఉంది. శ్రీశైలం ప్రాజెక్టు నుంచి వరద ప్రవాహం ఉద్ధృతంగా పెరగడంతో అధికారులు తొలుత ఆరు గేట్లను ఎత్తి రెండు లక్షల క్యూసెక్కుల నీటిని విడుదల చేశారు. పరిస్థితి చేయిదాటిపోవడంతో సాయంత్రానికి అదనంగా మరో 10 గేట్లను తెరిచి మొత్తం 16 గేట్ల ద్వారా ఔట్ ఫ్లోను పెంచారు.

ఇదిలా ఉండగా కడెం ప్రాజెక్టుకు కూడా భారీగా వరదనీరు వచ్చి చేరుతుండగా, ఇన్ ఫ్లో 2,657 క్యూసెక్కులు, ఔట్ ఫ్లో కేవలం 1000 క్యూసెక్కులు మాత్రమే. కడెం వద్ద ప్రస్తుత నీటిమట్టం 696.65 అడుగులు కాగా, పూర్తి సామర్థ్యం 700 అడుగులకు చేరువైంది. స్థానికులు, స్థానిక అధికారులు పరిస్థితిని నిశితంగా పరిశీలిస్తున్నారు.

మంచిర్యాల జిల్లాలో శ్రీపాద ఎల్లంపల్లి ప్రాజెక్టుకు 5,758 క్యూసెక్కుల ఇన్‌ఫ్లో ఉండగా, నంది పంప్‌హౌస్‌కు 9,450 క్యూసెక్కులు, హైదరాబాద్ మెట్రో వాటర్‌వర్క్స్‌కు 326 క్యూసెక్కులు, ఎన్‌టీపీసీకి 121 క్యూసెక్కులతో సహా వివిధ అవుట్‌లెట్లకు నీటిని విడుదల చేస్తున్నారు. ఇక్కడ ప్రస్తుత నీటిమట్టం 14.63 టీఎంసీలు కాగా, మొత్తం సామర్థ్యం 20.175 టీఎంసీలు.