Srisailam : శ్రీశైలంలో అన్యమత ప్రచారం.. సెక్యూరిటీ అధికారిపై వేటు

శ్రీశైలం దేవస్థానం చీఫ్‌ సెక్యూరిటీ ఆఫీసర్ అయ్యన్న పై వేటు పడింది. ఆయన్ను విధుల నుంచి సస్పెండ్ చేస్తూ ఈఓ ఉత్తర్వులు జారి చేశారు. శ్రీశైలం దేవస్థానం క్షేత్ర పరిధిలో అన్యమత ప్రచారం జరుగుతోందన్న విజువల్స్‌ వైరల్‌ అయ్యాయి. ఈ విజువల్స్‌ లో వారు శ్రీశైలం టోల్ గేట్ దాటి ప్రచారం చేస్తున్నట్టు స్పష్టంగా కనిపిస్తోంది. దీంతో దేవస్థానం సెక్యూరిటీ సిబ్బందిపై చర్యలు తీసుకుంది.

వైరల్‌ అవుతున్న వీడియోల ఆధారంగా అన్యమతస్తులు శ్రీశైలంలోకి ఎలా వచ్చారు ? టోల్ గేట్ వద్ద సెక్యూరిటీ సిబ్బందిని ఎలా దాటుకుని క్షేత్రం పరిధిలోకి ఎలా వచ్చారు.? వారికి ఎవరు సహకరించారు? అనే కోణంలో విచారణ చేపట్టారు. అయితే అన్యమతస్తులు గత వారం రోజులు కిందట శ్రీశైలంలో సంచరించారని తెలుస్తోంది.