MG Hector : హ్యారియర్-ఎక్స్యూవీ700 కి గట్టి పోటీ.. డిసెంబర్ 15న కొత్త ఎంజీ హెక్టర్ రాక.
MG Hector : మిడ్-సైజ్ ఎస్యూవీ సెగ్మెంట్లో మంచి పేరున్న ఎంజీ హెక్టర్, ఇప్పుడు కొత్త 2026 ఫేస్లిఫ్ట్ మోడల్లో మార్కెట్లోకి రావడానికి సిద్ధమైంది. ఎంజీ కంపెనీ ఈ కొత్త హెక్టర్ను డిసెంబర్ 15, 2025న ఆవిష్కరించనుంది. ఈ కొత్త అవతారం టాటా హ్యారియర్, మహీంద్రా ఎక్స్యూవీ700 వంటి పెద్ద ఎస్యూవీలకు గట్టి పోటీ ఇవ్వనుంది. ఈ రిఫ్రెష్డ్ హెక్టర్ దాదాపు జనవరి 2026 నుంచి అమ్మకాలు మొదలయ్యే అవకాశం ఉంది. ఈ అప్డేట్లో ఎంజీ హెక్టర్ తన పాత స్టైల్ను ఉంచుతూనే, డిజైన్, టెక్నాలజీ ఫీచర్లలో అనేక మార్పులు చేసింది.
2026 ఎంజీ హెక్టర్ ఫేస్లిఫ్ట్ మరింత షార్ప్గా, పవర్ఫుల్గా కనిపించేలా డిజైన్ మార్పులు చేసింది. ఇందులో కొత్తగా డిజైన్ చేసిన ముందు, వెనుక బంపర్లు, కొత్త స్టైల్తో కూడిన గ్రిల్ దీని లుక్ను మరింత ఆకర్షణీయంగా మారుస్తాయి. కొత్త 19-అంగుళాల అల్లాయ్ వీల్స్ రానున్నట్లు తెలుస్తోంది. ఇది కారుకు మరింత ప్రీమియం లుక్ ఇస్తుంది. ఇంటీరియర్లో కూడా అద్భుతమైన మార్పులు ఉన్నాయి. ముఖ్యంగా ముందు, వెనుక ప్రయాణికుల కోసం వెంటిలేటెడ్ సీట్లు ఉండే అవకాశం ఉంది. మెరుగైన భద్రత కోసం ADAS ఫీచర్లు కూడా ఇందులో చేర్చనున్నారు.
ఇంజన్ పరంగా, ఫేస్లిఫ్ట్ మోడల్లో ప్రస్తుత హెక్టర్లో ఉన్న ఇంజన్లే కొనసాగే అవకాశం ఉంది. ఇందులో 1.5-లీటర్ టర్బో-పెట్రోల్ ఇంజిన్ (141 హార్స్పవర్), 2.0-లీటర్ టర్బో-డీజిల్ ఇంజిన్ (167 హార్స్పవర్) ఆప్షన్లు ఉంటాయి. ట్రాన్స్మిషన్ ఆప్షన్లలో కూడా మార్పులు ఉండకపోవచ్చు. మొత్తం మీద ఈ కొత్త ఫేస్లిఫ్ట్ ఎంజీ హెక్టర్కు మార్కెట్లో మంచి బూస్ట్ ఇస్తుందని భావిస్తున్నారు. ఇది కియా సెల్టోస్, హ్యుందాయ్ క్రెటా, టాటా హ్యారియర్, మహీంద్రా XUV700 వంటి ఎస్యూవీలతో గట్టిగా పోటీపడుతుంది.