Republic Day Sale: రిపబ్లిక్ డే వేళ రియల్ ధమాకా..ఆన్‌లైన్ మార్కెట్ లో ఆఫర్ల సునామీ..అన్నీ సగం ధరకే.

Republic Day Sale: మీరు గత కొంతకాలంగా కొత్త స్మార్ట్‌ఫోన్ లేదా ల్యాప్‌టాప్ కొనాలని ప్లాన్ చేస్తున్నారా? అయితే మీకు ఇదే సరైన సమయం. రిపబ్లిక్ డే సందర్భంగా ప్రముఖ ఈ-కామర్స్ దిగ్గజాలు ఫ్లిప్‌కార్ట్, అమెజాన్ భారీ సేల్స్‌తో ముందుకు వచ్చాయి. ఈ రెండు కంపెనీల మధ్య జరుగుతున్న ధరల యుద్ధం సామాన్య వినియోగదారులకు వరంగా మారింది. ఐఫోన్ల నుంచి స్మార్ట్ టీవీల వరకు అన్నింటిపై కనీవినీ ఎరుగని రీతిలో ఆఫర్లు వెల్లువెత్తుతున్నాయి. ముఖ్యంగా ఎలక్ట్రానిక్ వస్తువులపై 60 నుంచి 80 శాతం వరకు డిస్కౌంట్లు ఇస్తుండటంతో కొనుగోలుదారులు ఎగబడుతున్నారు.

స్మార్ట్‌ఫోన్ మార్కెట్‌లో ప్రస్తుతం పెను సంచలనం రేగుతోంది. ఐఫోన్ లేటెస్ట్ మోడల్స్ తో పాటు శామ్సంగ్, వన్‌ప్లస్ వంటి ప్రీమియం ఫోన్ల ధరలు భారీగా తగ్గాయి. గతంలో ఎన్నడూ లేని విధంగా అత్యల్ప ధరలకే వీటిని సొంతం చేసుకునే అవకాశం కల్పిస్తున్నారు. కేవలం డిస్కౌంట్లే కాకుండా, పాత ఫోన్ల ఎక్స్ఛేంజ్ వాల్యూను కూడా కంపెనీలు పెంచాయి. దీనివల్ల బడ్జెట్ ఇబ్బంది లేకుండానే హై-ఎండ్ ఫోన్లను కొనుగోలు చేయవచ్చు. స్మార్ట్ వాచ్‌లు, హెడ్‌ఫోన్ల వంటి యాక్సెసరీస్ ధరలు కూడా అమాంతం పడిపోయాయి.

చదువుకునే విద్యార్థులకు లేదా ఆఫీస్ పనులు చేసుకునే వారికి ఈ సేల్ ఒక మంచి అవకాశం. దాదాపు రూ.50 వేలు పలికే ల్యాప్‌టాప్‌లు ఇప్పుడు కేవలం రూ.35 వేలకే లభిస్తున్నాయి. గేమింగ్ ల్యాప్‌టాప్‌లపై కూడా అదిరిపోయే డీల్స్ ఉన్నాయి. గృహోపకరణాల విషయానికి వస్తే రిఫ్రిజిరేటర్లు, వాషింగ్ మెషీన్లు, ఏసీలపై క్లియరెన్స్ సేల్ తరహాలో భారీ తగ్గింపులు ఇస్తున్నారు. బ్రాండెడ్ వస్తువులను తక్కువ ధరకు సొంతం చేసుకోవడానికి ఇదే బెస్ట్ టైమ్ అని నిపుణులు చెబుతున్నారు.

డిస్కౌంట్ ధరలకే ఆగిపోకుండా ఎస్‌బీఐ, ఐసీఐసీఐ, హెచ్‌డీఎఫ్‌సీ వంటి ప్రముఖ బ్యాంకుల కార్డులపై అదనంగా 10 శాతం ఇన్‌స్టంట్ డిస్కౌంట్ లభిస్తోంది. దీనివల్ల ఇప్పటికే తగ్గిన ధరపై మరికొంత మేర తగ్గింపు దొరుకుతుంది. అయితే ఆఫర్లు అదిరిపోయేలా ఉండటంతో స్టాక్ చాలా వేగంగా అయిపోతోంది. మీకు నచ్చిన వస్తువును వెంటనే కార్ట్‎లో వేసుకోవడం మంచిది. పేమెంట్ సమయంలో ఆలస్యం చేయకుండా ఉండేందుకు మీ కార్డ్ వివరాలను ముందే సేవ్ చేసి పెట్టుకోవాలని టెక్ నిపుణులు సూచిస్తున్నారు.