Big Billion Days : బిగ్‌ బిలియన్‌ డేస్‌.. స్మార్ట్ ఫోన్లపై భారీ డిస్కౌంట్
పల్లవి, బిజినెస్ డెస్క్‌: ప్రముఖ ఇ-–కామర్స్‌ ప్లాట్‌ఫామ్‌ ఫ్లిప్కార్ట్ ఏటా నిర్వహించే ‘బిగ్‌ బిలియన్‌ డేస్‌’ సెప్టెంబర్‌ 27 నుంచి మొదలుకానుంది. ఫ్లిప్కార్ట్ ప్లస్ మెంబర్లకు ఒక రోజు ముందుగానే అంటే సెప్టెంబర్‌ 26నే సేల్‌ అందుబాటులోకి కానుంది. ఈ సేల్‌లో భాగంగా స్మార్ట్‌ఫోన్లు, ల్యాప్‌ట్యాప్‌లు, ఎలక్ట్రానిక్‌ ప్రోడక్ట్స్, హోం డెకరేట్ ఐటమ్స్ పై డిస్కౌంట్లు అందించనుంది. తాజాగా కొన్ని మొబైల్స్‌పై అందిస్తున్న డీల్స్‌ను రివీల్‌ చేసింది. అందులో గూగుల్‌ పిక్సెల్‌8, శాంసంగ్ గెలాక్సీ ఎస్‌23 స్మార్ట్‌ఫోన్లపై పెద్దఎత్తున డిస్కౌంట్ ఇవ్వనున్నట్లు తెలుస్తోంది. బిగ్‌ బిలియన్‌ డేస్‌లో భాగంగా గూగుల్‌ పిక్సెల్‌ 8 ఫోన్‌పై డిస్కౌంట్ అందిస్తోంది. ఈ మొబైల్‌ 8జీబీ ప్లస్ 128 జీబీ వేరియంట్‌ ఎమ్మార్పీ రూ.75,999 కాగా.. ఫ్లిప్కార్ట్ సేల్‌లో రూ.40,000 కంటే తక్కువ రేటుకే లభించనుంది. శాంసంగ్ గెలాక్సీ ఎస్‌23 ఫోన్ 8జీబీ+ 128జీబీ వేరియంట్‌నూ రూ.40వేల కంటే తక్కువకే కొనుగోలు చేయొచ్చు. శాంసంగ్ గెలాక్సీ ఎస్‌23 ఎఫ్‌ఈ బేస్‌ వేరియంట్‌ మొబైల్‌ రూ.30వేల లోపే లభించనుంది. ఇక పోకో ఎక్స్‌6 ప్రో 5జీ కూడా రూ.20వేల లోపే కొనుగోలు చేయొచ్చు. సీఎంఎఫ్‌ ఫోన్1, నథింగ్‌ ఫోన్2ఏ, పోకో ఎం6 ప్లస్, వివో టీ3ఎక్స్‌, ఇన్ఫినిక్స్‌ నోట్‌40 ప్రో.. మొబైల్స్‌ను ఈ సేల్‌లో తక్కువ ధరకే కొనుగోలు చేయొచ్చు. ఫ్లిప్కార్ట్ సేల్‌లో హెచ్‌డీఎఫ్‌సీ క్రెడిట్‌ కార్డు, డెబిట్‌ కార్డుదారులకు డిస్కౌంట్ అందించనున్నారు. హెచ్‌డీఎఫ్‌సీ కార్డ్‌ ద్వారా చేసే ప్రతి కొనుగోలుపై 10శాతం ఇన్‌స్టంట్‌ డిస్కౌంట్ లభిస్తుంది. ఫ్లిప్కార్ట్ యూపీఐ చెల్లింపులతో రూ.50 తగ్గింపు అందిస్తున్నట్లు కల్పిస్తున్నట్లు ఫ్లిప్కార్ట్ తెలిపింది. ప్లిప్‌కార్ట్‌ పే లేటర్‌ ద్వారా లక్ష వరకు లోన్ ఫెసిలిటీ పొందొచ్చని పేర్కొంది. దీంతోపాటు ఫ్లిప్కార్ట్- యాక్సిస్‌ బ్యాంక్‌ క్రెడిట్‌ కార్డుపైనా నో- కాస్ట్‌ ఈఎంఐ సదుపాయం పొందొచ్చు.