Tata Nexon : కేవలం నెలకు రూ.10000 EMIతో ఈ లగ్జరీ టాటా కారును ఇంటికి తెచ్చుకోండి.

Tata Nexon : భారతదేశ కార్ల మార్కెట్‌లో టాటా మోటార్స్ అద్భుతమైన ప్రదర్శన కనబరుస్తోంది. నవంబర్ 2025లో మారుతి సుజుకి తర్వాత అత్యధిక కార్లను విక్రయించి, అమ్మకాల విషయంలో దేశంలోనే రెండో స్థానానికి చేరుకుంది. హ్యుందాయ్, మహీంద్రా వంటి సంస్థలను కూడా టాటా మోటార్స్ వెనక్కి నెట్టింది. ఈ విజయానికి ప్రధాన కారణం నెక్సాన్ ఎస్‌యూవీ. ఈ కారు పెట్రోల్, డీజిల్, సీఎన్‌జీ, ఎలక్ట్రిక్.. ఇలా అన్ని వెర్షన్‌లలో అందుబాటులో ఉండడం దీని ప్రత్యేకత. మీరు కూడా ఈ పాపులర్ ఎస్‌యూవీని కొనుగోలు చేయాలని అనుకుంటే కేవలం రూ.10,000 నెలవారీ ఈఎంఐతో మీ సొంతం చేసుకోవచ్చు.

టాటా నెక్సాన్ బేస్ మోడల్ ఆన్-రోడ్ ధర సుమారు రూ.9 లక్షల నుంచి ప్రారంభమవుతుంది. దీని టాప్ మోడల్ ధర రూ.16 లక్షల వరకు ఉంటుంది. బేస్ మోడల్‌ను తక్కువ ఈఎంఐతో కొనుగోలు చేయడానికి ఒక సులభమైన ఫైనాన్స్ ప్లాన్ చూద్దాం. మీరు రూ.3 లక్షల డౌన్‌పేమెంట్‌ను చెల్లిస్తే, మిగిలిన రూ.6 లక్షల మొత్తానికి లోన్ తీసుకోవాల్సి ఉంటుంది. మీరు ఈ లోన్‌ను 10 శాతం వడ్డీ రేటుతో 7 సంవత్సరాల (84 నెలలు) సుదీర్ఘ కాలపరిమితికి ఫైనాన్స్ చేయించుకుంటే, మీ నెలవారీ ఈఎంఐ దాదాపు రూ.10,000 వరకు మాత్రమే అవుతుంది. ఈ లెక్కన తక్కువ బడ్జెట్‌లో కూడా 5-స్టార్ సేఫ్టీ ఎస్‌యూవీని ఇంటికి తెచ్చుకోవచ్చు.

టాటా నెక్సాన్ భారతదేశంలో అత్యంత ప్రాచుర్యం పొందిన కాంపాక్ట్ ఎస్‌యూవీలలో ఒకటిగా నిలిచింది. దీనికి ప్రధాన కారణం ఇది BNCAP (భారత్ న్యూ కార్ అసెస్‌మెంట్ ప్రోగ్రామ్) నుంచి 5-స్టార్ సేఫ్టీ రేటింగ్ను కలిగి ఉండడం. అన్ని మోడళ్లలో 6 ఎయిర్‌బ్యాగ్‌లు స్టాండర్డ్‌గా లభిస్తాయి, ఇది భద్రతకు టాటా ఇస్తున్న ప్రాధాన్యతను చూపుతుంది. లుక్, రైడ్ క్వాలిటీ కూడా చాలా బాగుంటాయి. టాప్ మోడళ్లలో పనోరమిక్ సన్‌రూఫ్, జేబీఎల్ సౌండ్ సిస్టమ్ వంటి మోడ్రన్ ఫీచర్లు లభిస్తాయి. పెట్రోల్, డీజిల్, సీఎన్‌జీ ఇంజిన్‌లు మంచి పనితీరును అందిస్తాయి. అధిక వేగంతో ప్రయాణించినా ఈ ఎస్‌యూవీ చాలా స్థిరంగా ఉంటుంది.

టాటా నెక్సాన్ బేస్ మోడల్ స్మార్ట్ ప్లస్ వేరియంట్‌లో కూడా సేఫ్టీ ముఖ్యమైన ఫీచర్లను అందించారు. ఇందులో 1.2-లీటర్ టర్బో పెట్రోల్ ఇంజిన్ ఉంది. ఇది 118 bhp పవర్‌ను ఉత్పత్తి చేస్తుంది. ఈ కారు ARAI (ఆటోమోటివ్ రీసెర్చ్ అసోసియేషన్ ఆఫ్ ఇండియా) ప్రకారం దాదాపు లీటరుకు 17.44కిమీ మైలేజీని అందిస్తుంది. భద్రత కోసం 6 ఎయిర్‌బ్యాగ్‌లు, ఈఎస్‌పీ (ESP), ఎల్‌ఈడీ హెడ్‌ల్యాంప్‌లు వంటి బేసిక్ ఫీచర్లతో పాటు మాన్యువల్ గేర్‌బాక్స్ లభిస్తుంది. మొత్తం మీద ఈ బేస్ మోడల్ తన ధర పరిధిలో సేఫ్టీ, కీలక ఫీచర్లపై రాజీ పడకుండా మంచి విలువను అందిస్తుంది.