Elon Musk : ఎక్స్ సెంట్రల్ ఆఫీస్ షిఫ్ట్ చేస్తున్న మస్క్
ఎలాన్ మస్క్ నేతృత్వంలోని ప్రముఖ సోషల్ మీడియా ప్లాట్ ఫామ్ ఎక్స్ ప్రధాన కార్యాలయం శాన్ ఫ్రాన్సిస్కో నుంచి తన మకాం మార్చ బోతోంది. 'ఎక్స్' సీఈవో లిండా యక్కారినో ఇప్పటికే తమ సంస్థ ఉద్యోగులకు కార్యాలయ తరలింపుపై ఈ-మెయిల్ ద్వారా సమాచారం అందించారు.
“శాన్ ఫ్రాన్సిస్కో నుంచి కార్యకలాపాలు కొనసాగించడం కష్టతరంగా మారింది. ముఖ్యంగా, చెల్లింపుల విషయంలో ఇబ్బందులు ఎదురవుతున్నాయి. ఎక్స్ ప్రధాన కార్యాలయంతోపాటే స్ట్రిప్, బ్లాక్ (క్యాష్ యాప్) తదితర కార్యాలయాలను కూడా వేరేచోటికి మార్చుతున్నాం" అని ఎలాన్ మస్క్ ఓ ఇంటర్వ్యూలో చెప్పారు.
విద్యుత్ ఆధారిత వాహనాల తయారీ సంస్థ టెస్లా, అంతరిక్ష పరిశోధన యాత్రల సంస్థ స్పేస్ ఎక్స్ తో పాటు, ఎక్స్ కార్యాలయాన్ని కూడా తరలిస్తామని మస్క్ గతంలోనే ఉద్యోగులకు ఓ మెయిల్ ద్వారా తెలిపారు. 2006లో ట్విట్టర్ ప్రారంభం అయింది. తర్వాత ఎలాన్ మస్క్ చేతుల్లోకి వచ్చి ఎక్స్ గా మారే వరకు శాన్ ఫ్రాన్సిస్కోలోనే కొనసాగుతోంది.
