Kia India : డిజైన్ మారింది, లుక్ అదిరింది.. కియా నుంచి రెండు పవర్‌ఫుల్ ఎస్‌యూవీలు.
Kia India : ఎస్‌యూవీ మార్కెట్‌లో తన పట్టును మరింత బలోపేతం చేసుకోవడానికి కియా ఇండియా పెద్ద ఎత్తున ప్రణాళికలు వేసింది. ఇందులో భాగంగా 2028 వరకు అనేక కొత్త ఎస్‌యూవీలు, హైబ్రిడ్, ఎలక్ట్రిక్ కార్లను లాంచ్ చేయాలని లక్ష్యంగా పెట్టుకుంది. ప్రస్తుతం కంపెనీ దృష్టి అంతా రెండు కొత్త మోడళ్లపై ఉంది.. అవి కొత్త జనరేషన్ కియా సెల్టోస్, ఎలక్ట్రిక్ మోడల్ కియా సైరోస్ ఈవీ. కొత్త సెల్టోస్ డిసెంబర్ 2025 మొదటి వారాల్లో అమ్మకానికి వచ్చే అవకాశం ఉంది. అలాగే ఎలక్ట్రిక్ సైరోస్ 2026 మొదటి త్రైమాసికంలో షోరూమ్‌లలో అందుబాటులోకి వస్తుంది.
2026 కియా సెల్టోస్
రెండవ జనరేషన్ కియా సెల్టోస్ ఇప్పటికే టెస్టింగ్ దశలో ఉంది. ఇది ఇప్పుడు మరింత కొత్త, ప్రీమియం లుక్‌తో రాబోతోంది. కొత్త సెల్టోస్.. సైరోస్,ఈవీ9 మోడళ్లలో ఉన్నటువంటి కియా కొత్త అపోజిట్స్ యునైటెడ్ డిజైన్ ల్యాంగ్వేజీని ఫాలో అయింది. కొత్త గ్రిల్ డిజైన్, అప్‌డేటెడ్ హెడ్‌ల్యాంప్‌లు, కొత్త ఫాగ్ ల్యాంప్ క్లస్టర్, టెయిల్ ల్యాంప్‌లను కలిపే కొత్త ఎల్‌ఈడీ లైటింగ్ స్ట్రిప్ ఇందులో ఉండే అవకాశం ఉంది. లోపల కొత్త అప్‌హోల్‌స్ట్రీ, అడ్వాన్సుడ్ ఫీచర్లు ఉండే అవకాశం ఉంది. ఇంజిన్ విషయంలో మాత్రం ప్రస్తుత ఆప్షన్లే కొనసాగుతాయి. అవి: 1.5 లీటర్ సహజంగా ఆస్పిరేటెడ్ పెట్రోల్ (115 BHP), 1.5 లీటర్ టర్బో పెట్రోల్ (160 BHP), 1.5 లీటర్ డీజిల్ ఇంజిన్ (116 BHP). 2027లో ఈ లైన్‌అప్‌లో హైబ్రిడ్ వెర్షన్ కూడా చేరే అవకాశం ఉంది.
కియా సైరోస్ ఈవీ
కార్యాన్స్ క్లావిస్ ఈవీ తర్వాత కియా సైరోస్ ఈవీ కియా బ్రాండ్‌లో భారతదేశంలో రాబోతున్న రెండో చవకైన ఎలక్ట్రిక్ కారు కానుంది. ఇది కాంపాక్ట్ ఎలక్ట్రిక్ ఎస్‌యూవీ అయినప్పటికీ, దాని బాక్సీ లుక్‌ను అలాగే ఉంచుతుంది. అయితే దీనిలో ఎలక్ట్రిక్ వాహనానికి సంబంధించిన కొన్ని కొత్త అంశాలు ఉంటాయి. స్పై ఫోటోల ప్రకారం ఛార్జింగ్ పోర్ట్ ముందు కుడి ఫెండర్‌పై ఉంటుంది. కియా సైరోస్ ఈవీ, హ్యుందాయ్ ఎక్స్‌టర్ ఈవీతో ప్లాట్‌ఫామ్‌ను పంచుకునే అవకాశం ఉంది. ఇందులో ఎఫ్ డబ్ల్యూడి (ఫ్రంట్-వీల్ డ్రైవ్) సిస్టమ్ ఉండవచ్చు. హ్యుందాయ్ ఈవీ నుంచి 42kWh, 49kWh బ్యాటరీ ప్యాక్‌లను తీసుకోవచ్చని అంచనా. ఇంటీరియర్ వివరాలు ఇంకా తెలియకపోయినా ఈ ఎలక్ట్రిక్ కారు క్యాబిన్ లేఅవుట్, ఫీచర్లు దాని ఐసీఈ (పెట్రోల్/డీజిల్) మోడల్‌ను పోలి ఉండే అవకాశం ఉంది.