Mahindra BE 6 Formula E : మహీంద్రా BE 6 ఫార్ములా E ఎడిషన్.. కేవలం 999 కార్లు మాత్రమే.. వెంటనే బుక్ చేసుకోండి.

Mahindra BE 6 Formula E : మహీంద్రా సంస్థ తమ BE 6 ఎలక్ట్రిక్ వెహికల్ పోర్ట్‌ఫోలియోలోకి సరికొత్త ఫార్ములా E ఎడిషన్ను జోడించింది. అయితే ఈ ఎడిషన్ వాహనాల ఉత్పత్తిని కేవలం 999 యూనిట్లకు మాత్రమే పరిమితం చేసింది. అంటే, ఈ లిమిటెడ్ ఎడిషన్‌ను సొంతం చేసుకోవాలనుకునే వారికి చాలా తక్కువ అవకాశం ఉంది. కంపెనీ తాజాగా దీని ధరలను కూడా ప్రకటించింది FE2 వేరియంట్ ధర రూ.23.69 లక్షలు, మరింత ఎక్కువ ఫీచర్లు ఉన్న FE3 వేరియంట్ ధర రూ.24.49 లక్షలు (ఎక్స్-షోరూమ్)గా నిర్ణయించారు.

ఈ లిమిటెడ్ ఎడిషన్‌ను దక్కించుకోవాలనుకునే వారికి మహీంద్రా ఒక అవకాశం ఇచ్చింది. అధికారిక బుకింగ్ ప్రక్రియ ప్రారంభం కాకముందే, కస్టమర్‌లు తమకు నచ్చిన కార్ కాన్ఫిగరేషన్‎ను ఎంచుకునే అవకాశం కల్పించింది. అధికారిక బుకింగ్‌లు జనవరి 14, 2026 నుంచి ప్రారంభమవుతాయి. అయితే బుకింగ్ కోసం చెల్లించాల్సిన టోకెన్ మొత్తం లేదా రిఫండ్ విధానం గురించి కంపెనీ ఇంకా ప్రకటించలేదు. డెలివరీలు మాత్రం ఫిబ్రవరి 14, 2026 నాటికి ప్రారంభించాలని మహీంద్రా లక్ష్యంగా పెట్టుకుంది.

మహింద్రా BE 6 ఫార్ములా E ఎడిషన్ డిజైన్ పూర్తిగా ఫార్ములా E రేసింగ్ స్ఫూర్తితో తీర్చిదిద్దారు. ఇందులో బోనెట్, సైడ్స్, ఫెండర్‌పై FIA రిఫరెన్స్‌లు, స్పోర్టీ బాడీ గ్రాఫిక్స్ ఉంటాయి. R20 అల్లాయ్ వీల్స్, ఫిక్స్‌డ్ గ్లాస్ రూఫ్, డిజైనర్ DRL లు, వృత్తాకార LED హెడ్‌ల్యాంప్‌లు దీనికి మరింత అందాన్నిస్తాయి. మెకానికల్‌గా ఎటువంటి మార్పులు లేకుండా ఈ ఎలక్ట్రిక్ మోటార్ 210 kW పవర్ అందిస్తుంది, ఇది ఏకంగా 282 bhp, 380 Nm టార్క్‌ను ఉత్పత్తి చేస్తుంది.

ఈ కారులో అడాప్టివ్ సస్పెన్షన్, బూస్ట్ మోడ్, మల్టీ-స్టెప్ రీజనరేటివ్ బ్రేకింగ్ వంటి అడ్వాన్సుడ్ ఫీచర్లు ఉన్నాయి. దీని 79 kWh బ్యాటరీ ప్యాక్ 180 kW DC ఫాస్ట్ ఛార్జింగ్‌కు మద్దతు ఇస్తుంది. దీని ద్వారా కేవలం 20 నిమిషాల్లో 20 శాతం నుంచి 80 శాతం వరకు ఛార్జ్ చేయవచ్చు. కారు లోపల, డాల్బీ అట్మాస్ ఆడియోతో కూడిన డ్యుయల్ 12.3-అంగుళాల డిస్‌ప్లేలు, వైర్‌లెస్ స్మార్ట్‌ఫోన్ కనెక్టివిటీ, OTT యాప్‌లు, అలెక్సా సపోర్ట్ వంటి అత్యాధునిక సౌకర్యాలు ఉన్నాయి. FE3 వేరియంట్‌లో ఫార్ములా E-నేపథ్య యానిమేషన్‌లు, వెంటిలేటెడ్ ఫ్రంట్ సీట్లు, డ్యూయల్-జోన్ క్లైమేట్ కంట్రోల్, లెవెల్ 2 ADAS వంటి సేఫ్టీ ఫీచర్లు కూడా ఉన్నాయి.