Mahindra BE Rall-E : మహీంద్రా నుంచి కొత్త ఎలక్ట్రిక్ ఎస్‌యూవీ BE Rall-E టీజర్ రిలీజ్..26న గ్రాండ్‌గా లాంచ్.
Mahindra BE Rall-E : మహీంద్రా అండ్ మహీంద్రా నుంచి మరో సరికొత్త ఎలక్ట్రిక్ ఎస్‌యూవీ మార్కెట్‌లోకి రాబోతోంది. ఈసారి పూర్తి ఆఫ్-రోడ్ ఎస్‌యూవీ లుక్‌తో BE Rall-E మోడల్‌ను నవంబర్ 26, 2025న అధికారికంగా పరిచయం చేయడానికి ముందే, కంపెనీ దాని మొదటి టీజర్‌ను విడుదల చేసింది. ఈ మోడల్ తొలిసారిగా Mahindra XEV 9S 7-సీటర్ ఎలక్ట్రిక్ ఎస్‌యూవీ తో పాటు కనిపించనుంది. టీజర్‌లో ఈ ఎస్‌యూవీ రూఫ్‌లైన్, రౌండ్ ప్రొజెక్టర్ ఎల్‌ఈడీ హెడ్‌ల్యాంప్‌లు కాన్సెప్ట్ మోడల్‌ను పోలి ఉండే విధంగా హైలైట్ చేశారు.
ఉత్పత్తికి సిద్ధంగా ఉన్న ఈ మహీంద్రా బీఈ రాల్-ఈ డిజైన్ చాలా స్పోర్టీగా ఉంది. కాన్సెప్ట్ మోడల్ నుంచి కొన్ని మార్పులు చేశారు. ఈ ఎస్‌యూవీలో స్టార్-ప్యాటర్న్ ఉన్న ఏరో-ఆప్టిమైజ్డ్ అల్లాయ్ వీల్స్ ఉన్నాయి. కాన్సెప్ట్‌లో ఉన్న రూఫ్-మౌంటెడ్ క్యారియర్‌ను తొలగించారు. వెనుక భాగంలో చిన్న రూఫ్-మౌంటెడ్ స్పాయిలర్, ఎల్‌ఈడీ లైట్ బార్, టెయిల్‌గేట్‌లో మహీంద్రా సిగ్నేచర్ ఎలక్ట్రిక్ లోగోతో దీని లుక్ మరింత ఆకర్షణీయంగా ఉంది.
https://x.com/mahindraesuvs/status/1991396914114478555?ref_src=twsrc^tfw|twcamp^tweetembed|twterm^1991396914114478555|twgr^508d42c52dc5790df376580825f7b733a702fffb|twcon^s1_&ref_url=https://www.tv9hindi.com/automobile/mahindra-be-rall-e-electric-suv-teaser-out-debut-on-26th-nov-3579922.html
డైమెన్షన్ పరంగా చూస్తే, మహీంద్రా బీఈ రాల్-ఈ దాని కాన్సెప్ట్ మోడల్ పరిమాణంలోనే ఉండే అవకాశం ఉంది. కొత్త మహీంద్రా ఎలక్ట్రిక్ ఎస్‌యూవీ ఇంటీరియర్ వివరాలు పూర్తిగా తెలియకపోయినా కొన్ని కీలక అంశాలు ఉండవచ్చని అంచనా వేస్తున్నారు. ఉత్పత్తికి సిద్ధంగా ఉన్న ఈ వెర్షన్‌లో BE 6 మోడల్‌లో ఉన్నట్టుగానే డ్యాష్‌బోర్డ్ డిజైన్ BE లోగో ఉన్న టూ-స్పోక్ స్టీరింగ్ వీల్, డ్రైవర్, ఫ్రంట్ ప్యాసింజర్ మధ్య ఎయిర్‌క్రాఫ్ట్-స్టైల్ ట్రిమ్ ఉండవచ్చు. అలాగే డ్యుయల్ డిజిటల్ డిస్‌ప్లే సెటప్ కూడా ఉంటుంది.
ఫీచర్ల పరంగా చూస్తే, ఇందులో లెవెల్ 2 ఏడీఏఎస్, హెచ్‌యూడీ, ఆటో లేన్ మార్పు, బ్లైండ్ స్పాట్ డిటెక్షన్, వెంటిలేటెడ్ ఫ్రంట్ సీట్లు, హార్మన్ కార్డన్ ఆడియో సిస్టమ్, డాల్బీ అట్మోస్ వంటి ప్రీమియం ఫీచర్లు ఉండే అవకాశం ఉంది. రాబోయే మహీంద్రా BE Rall-E లో BE 6 మోడల్‌లో వాడిన 59kWh, 79kWh బ్యాటరీ ప్యాక్‌లను అందించే అవకాశం ఉంది. BE 6 మోడల్‌కు 59kWh ప్యాక్‌తో 556 కి.మీ, 79kWh ప్యాక్‌తో 682 కి.మీ రేంజ్ ఉన్నట్లు కంపెనీ పేర్కొంది. దీని ఆధారంగా BE Rall-E కూడా సింగిల్ ఛార్జ్‌పై 550 కి.మీ కంటే ఎక్కువ డ్రైవింగ్ రేంజ్‌ను ఇవ్వగలదని అంచనా వేస్తున్నారు.