Car Discounts : కొత్త కారు కొనేందుకు ఇదే మంచి ఛాన్స్.. ఈ 5 ఎస్‌యూవీలపై ఏకంగా రూ.1.6 లక్షల భారీ తగ్గింపు.
Car Discounts : జీఎస్టీ తగ్గింపు తర్వాత కార్లు కొనుగోలు చేయాలనుకునే వారికి ఈ పండుగ సీజన్ ఒక పెద్ద పండుగే. మీరు చాలా కాలంగా ఎస్‌యూవీ లేదా ఫ్యామిలీ కారు కొనాలని ఆలోచిస్తున్నట్లయితే ఇదే సరైన టైం. దేశంలోని ప్రముఖ ఆటోమొబైల్ కంపెనీలు తమ పాపులర్ ఎస్‌యూవీలపై ఏకంగా రూ.1.6 లక్షల వరకు భారీ డిస్కౌంట్లను ప్రకటించాయి. ఈ దీపావళికి మధ్యతరగతి కొనుగోలుదారులకు పర్ఫెక్ట్ డీల్గా నిలవగలిగే ఆ 5 అద్భుతమైన కార్ల పూర్తి వివరాలు ఈ వార్తలో తెలుసుకుందాం.
కియా సైరోస్
పండుగ సీజన్‌లో అత్యంత ఆకర్షణీయమైన ఆఫర్ కియా సైరోస్ పై ఉంది. ఈ ఎస్‌యూవీపై కంపెనీ ఏకంగా రూ.1.6 లక్షల వరకు తగ్గింపును ప్రకటించింది. ఇప్పటికే రూ.8.67 లక్షల (ఎక్స్-షోరూమ్) ప్రారంభ ధరతో వస్తున్న ఈ కారు ఇప్పుడు ఈ తగ్గింపుతో మరింత చవకైంది. సైరోస్‌లో 12.3 అంగుళాల డ్యూయల్-స్క్రీన్ సెటప్, డ్యూయల్-జోన్ క్లైమేట్ కంట్రోల్, ఏఎంబియెంట్ లైటింగ్, వైర్‌లెస్ ఫోన్ ఛార్జర్, సన్‌రూఫ్, లెవల్-2 ADAS సిస్టమ్ వంటి ప్రీమియం ఫీచర్లు ఉన్నాయి. బడ్జెట్‌లో లగ్జరీ, సేఫ్టీ కోరుకునే వారికి ఇది ఉత్తమమైన ఎంపిక.
కియా సోనెట్
కియా కంపెనీ నుంచే వచ్చిన మరో పాపులర్ ఎస్‌యూవీ కియా సోనెట్. ఈ దీపావళి సందర్భంగా దీనిపై కూడా రూ.లక్ష వరకు తగ్గింపు లభిస్తోంది. స్టైలిష్ డిజైన్, మంచి గ్రౌండ్ క్లియరెన్స్, అధునాతన ఫీచర్లకు సోనెట్ ప్రసిద్ధి చెందింది. దీని ప్రారంభ ధర రూ.7.30 లక్షలు (ఎక్స్-షోరూమ్). సిటీ డ్రైవింగ్‌కు ఇది చాలా అనుకూలమైన ఎస్‌యూవీ.
నిస్సాన్ మాగ్నైట్
మీరు చవకైన, పవర్ఫుల్ ఎస్‌యూవీ కోసం చూస్తున్నట్లయితే నిస్సాన్ మాగ్నైట్ ఒక మంచి ఆప్షన్. ఈ ఎస్‌యూవీపై కంపెనీ రూ.89,000 వరకు డిస్కౌంట్‌ను అందిస్తోంది. రూ.5.62 లక్షల (ఎక్స్-షోరూమ్) ప్రారంభ ధరతో లభిస్తున్న మాగ్నైట్‌లో డైనమిక్ డిజైన్, టచ్‌స్క్రీన్ ఇన్ఫోటైన్‌మెంట్ సిస్టమ్, డ్యూయల్ ఎయిర్‌బ్యాగ్‌లు వంటి ఫీచర్లు ఉన్నాయి.
మారుతి సుజుకి ఫ్రాంక్స్
మారుతి సుజుకి పాపులర్ కాంపాక్ట్ ఎస్‌యూవీలలో ఒకటైన ఫ్రాంక్స్ పై ఈ దీపావళికి రూ.88,000 వరకు తగ్గింపు లభిస్తుంది. జీఎస్టీ తగ్గింపు తర్వాత దీని ప్రారంభ ధర రూ.6.85 లక్షల (ఎక్స్-షోరూమ్)గా ఉంది. ఫ్రాంక్స్ హైబ్రిడ్ ఇంజిన్ ఆప్షన్, అద్భుతమైన మైలేజ్, స్మార్ట్ ఇన్ఫోటైన్‌మెంట్ సిస్టమ్‌తో వస్తుంది.
రెనాల్ట్ ట్రైబర్
ఫ్యామిలీ అవసరాల నిమిత్తం పెద్ద, బడ్జెట్-ఫ్రెండ్లీ ఎస్‌యూవీ కోరుకునే వారికి రెనాల్ట్ ట్రైబర్ బెస్ట్ ఆప్షన్. ఇది భారతదేశంలోనే అత్యంత చవకైన 7-సీటర్ కారు. ఈ పండుగ సీజన్‌లో కంపెనీ దీనిపై రూ.75,000 వరకు తగ్గింపును ఇస్తోంది. దీని ప్రారంభ ఎక్స్-షోరూమ్ ధర రూ.5.76 లక్షలు. ట్రైబర్‌లో ఫ్లెక్సిబుల్ సీటింగ్ ఆప్షన్, డ్యూయల్ ఎయిర్‌బ్యాగ్‌లు, మంచి మైలేజ్ వంటి ఫీచర్లు ఉన్నాయి. పెద్ద కుటుంబాలకు ఇది వాల్యూ-ఫర్-మనీ కారు.