Hyundai Venue : క్రెటా లుక్ తో హ్యుందాయ్ నయా వెన్యూ.. పిచ్చెక్కించే ఫీచర్లు.. ధర ఎంతో తెలుసా ?
Hyundai Venue : భారతదేశంలో అత్యధికంగా ఎదురుచూస్తున్న కార్లలో ఒకటైన న్యూ-జనరేషన్ 2025 హ్యుందాయ్ వెన్యూ ఎట్టకేలకు కొత్త అవతారంలో మార్కెట్‌లోకి అడుగుపెట్టింది. లోపల, బయట పూర్తిగా మారిపోయిన ఈ సబ్-కాంపాక్ట్ ఎస్‌యూవీ, తన అతిపెద్ద ప్రత్యర్థులైన టాటా నెక్సాన్, మారుతి సుజుకి బ్రెజాకు గట్టి పోటీ ఇవ్వడానికి సిద్ధమైంది. హ్యుందాయ్ ఈ కొత్త వెన్యూతో పాటు, స్పోర్టీ వెర్షన్ అయిన వెన్యూ ఎన్-లైన్ను కూడా లాంచ్ చేసింది. అద్భుతమైన డిజైన్ మార్పులు, లెవెల్ 2 ADAS (అడ్వాన్స్‌డ్ డ్రైవర్ అసిస్టెన్స్ సిస్టమ్) వంటి ఫీచర్లతో వచ్చిన ఈ కొత్త వెన్యూ ధర, ఫీచర్ల వివరాలు ఇప్పుడు తెలుసుకుందాం.
హ్యుందాయ్ కొత్త 2025 వెన్యూ, వెన్యూ ఎన్-లైన్ మోడళ్లను విడుదల చేసింది. ఈ కార్లు అడ్వాన్సుడ్ సేఫ్టీ ఫీచర్లతో వచ్చాయి. కొత్త హ్యుందాయ్ వెన్యూ ప్రారంభ ఎక్స్-షోరూమ్ ధర రూ.7.90 లక్షలు. ఈ ధర డిసెంబర్ 31 వరకు మాత్రమే చెల్లుబాటు అవుతుంది. కొత్త వెన్యూలో సేఫ్టీని పెంచడానికి, మునుపటి మోడల్‌లో ఉన్న లెవెల్ 1 ADAS స్థానంలో ఇప్పుడు లెవెల్ 2 ADAS (అడ్వాన్స్‌డ్ డ్రైవర్ అసిస్టెన్స్ సిస్టమ్) ఫీచర్ ఇచ్చారు.
కొత్త వెన్యూలో 16 ADAS ఫీచర్లు ఉండగా, మరింత స్పోర్టీ అయిన వెన్యూ ఎన్-లైన్లో ఏకంగా 21 ADAS ఫీచర్లు ఉన్నాయి. ఈ కారును కంపెనీ గ్లోబల్ K1 ప్లాట్‌ఫామ్‌పై తయారు చేసింది, ఇది అత్యంత స్ట్రాంగ్ బాడీ స్ట్రక్చర్, హై-క్వాలిటీ స్టీల్‌తో తయారైందని కంపెనీ తెలిపింది. కొత్త 2025 హ్యుందాయ్ వెన్యూ, వెన్యూ ఎన్-లైన్ రెండింటి డిజైన్ కూడా పూర్తిగా మారిపోయింది. ఇవి ఇప్పుడు హ్యుందాయ్ మోడ్రన్ స్టైల్‌ను అనుసరిస్తున్నాయి. వీటి డిజైన్ ఇప్పుడు పెద్ద మోడళ్లైన క్రెటా, అల్కాజార్ మాదిరిగానే ఆధునికంగా మారింది.
కొత్త వెన్యూలో కొత్త LED లైట్స్, మార్చబడిన బంపర్లు, స్కిడ్ ప్లేట్లు, పెద్ద అల్లాయ్ వీల్స్, సొగసైన బాడీ లైన్లు, బ్రిడ్జ్-టైప్ రూఫ్ రెయిల్స్ ఇచ్చారు. కొత్తగా హ్యుందాయ్ ఎక్స్‌పీరియన్స్ ను సూచించే HX వేరియంట్‌ను కూడా జోడించారు. ఈ డిజైన్ మార్పులు కొత్త తరం వినియోగదారులను ఆకర్షించే విధంగా ఉన్నాయి. కొత్త వెన్యూ, వెన్యూ ఎన్-లైన్ లోపల భాగంలో అనేక కొత్త, ప్రీమియం ఫీచర్లు జోడించారు. ఇవి క్యాబిన్ అనుభవాన్ని విలాసవంతంగా మార్చాయి. ఇంటీరియర్‌లో రెండు పెద్ద 12.3-అంగుళాల స్క్రీన్‌లు ఉన్నాయి – ఒకటి టచ్‌స్క్రీన్ ఇన్ఫోటైన్‌మెంట్ సిస్టమ్ కాగా, మరొకటి డిజిటల్ డ్రైవర్ డిస్‌ప్లే.
వీటితో పాటు BlueLink కనెక్టెడ్ కార్ టెక్నాలజీ 70 ఫీచర్లు, 8-స్పీకర్ బోస్ మ్యూజిక్ సిస్టమ్, వైర్‌లెస్ యాపిల్ కార్‌ప్లే, ఆండ్రాయిడ్ ఆటో, వెంటిలేటెడ్ ఫ్రంట్ సీట్లు, ఎలక్ట్రిక్ సన్‌రూఫ్ వంటి ప్రీమియం ఫీచర్లు ఉన్నాయి. పెట్రోల్, డీజిల్ వెర్షన్లలో కొత్త వెన్యూ అనేక వేరియంట్లలో (HX2, HX4, HX5, మొదలైనవి) అందుబాటులో ఉంది. వెన్యూ ఎన్-లైన్ N6, N10 అనే రెండు వేరియంట్లలో (మాన్యువల్, ఆటోమేటిక్) వస్తుంది. కొత్త హ్యుందాయ్ వెన్యూ, వెన్యూ ఎన్-లైన్ రెండింటి బుకింగ్‌లు దేశవ్యాప్తంగా ప్రారంభమయ్యాయి. కస్టమర్‌లు ఏదైనా హ్యుందాయ్ షోరూమ్‌లో లేదా ఆన్‌లైన్‌లో రూ.25,000 టోకెన్ అమౌంట్ చెల్లించి ఈ కొత్త ఎస్‌యూవీలను బుక్ చేసుకోవచ్చు.