Yezdi Scrambler 2026 : రోడ్లపై రాజసం.. పర్వతాలపై పౌరుషం.. వచ్చేస్తోంది.. కొత్త యెజ్డీ స్క్రాంబ్లర్ బాహుబలి.

Yezdi Scrambler 2026 : భారత టూవీలర్ మార్కెట్లో క్లాసిక్ బైక్‌లకు పెట్టింది పేరు యెజ్డీ. రెట్రో లుక్ , పవర్‌ఫుల్ పర్ఫార్మెన్స్‌తో యువతను ఆకట్టుకునే యెజ్డీ, ఇప్పుడు తన అమ్ములపొది నుంచి మరో కొత్త బాణాన్ని వదలడానికి సిద్ధమైంది. ఇప్పటికే రోడ్‌స్టర్, అడ్వెంచర్ మోడళ్లను అప్‌డేట్ చేసిన కంపెనీ, ఇప్పుడు తన పాపులర్ యెజ్డీ స్క్రాంబ్లర్ మోడల్‌ను కొత్త హంగులతో మార్కెట్లోకి తెస్తోంది. ఏప్రిల్ 23న ఈ బైక్ లాంచ్ కాబోతున్నట్లు కంపెనీ సోషల్ మీడియాలో హింట్ ఇచ్చింది.

కొత్త లుక్కు.. అదిరిపోయే స్టైల్

2026 యెజ్డీ స్క్రాంబ్లర్ డిజైన్ పరంగా చాలా ఫ్రెష్‌గా ఉండబోతోంది. పాత మోడల్ బాక్సీ లుక్‌ను కాస్త పక్కన పెట్టి, ఈసారి స్లిమ్, స్టైలిష్ ఎల్‌ఈడీ హెడ్ లైట్లు, టెయిల్ లైట్లను అమర్చారు. కారు ఇంజిన్ కవర్‌కు బ్రాంజ్ ఫినిష్ ఇచ్చారు, ఇది బైక్‌కు చాలా ప్రీమియం లుక్‌ను ఇస్తుంది. అలాగే వెనుక కూర్చునే ప్రయాణికుల కోసం కొత్త స్ప్లిట్ గ్రాబ్ రైల్స్, ఫుట్ రెస్ట్ బ్రాకెట్లను మార్చారు, దీనివల్ల రైడింగ్ మరింత కంఫర్ట్‌గా ఉంటుంది.

పవర్‌ఫుల్ ఆల్ఫా 2 ఇంజిన్

ఈ కొత్త బైక్‌లో కూడా యెజ్డీతన నమ్మకమైన 334cc సింగిల్ సిలిండర్ ఆల్ఫా 2 ఇంజిన్‌నే వాడుతోంది. ఇది 29 bhp పవర్‌ను, 29.8 Nm టార్క్‌ను ఉత్పత్తి చేస్తుంది. అయితే, ఈసారి ఇంజిన్ ట్యూనింగ్‌లో చిన్న చిన్న మార్పులు చేసినట్లు తెలుస్తోంది. దీనివల్ల బైక్ త్వరగా వేగాన్ని అందుకోవడమే కాకుండా, సిటీ రోడ్లపై, ఆఫ్-రోడింగ్‌లో కూడా అద్భుతమైన పర్ఫార్మెన్స్ ఇస్తుంది. గేర్ షిఫ్టింగ్ కూడా చాలా స్మూత్‌గా ఉండేలా గేర్ బాక్స్‌లో మార్పులు చేశారు.

ఫీచర్లు, హార్డ్‌వేర్

టెక్నాలజీ పరంగా చూస్తే, ఇందులో డిజిటల్ ఇన్‌స్ట్రుమెంట్ క్లస్టర్, బ్లూటూత్ కనెక్టివిటీ వంటి ఆధునిక ఫీచర్లు ఉండే అవకాశం ఉంది. స్ప్రోకెట్ సెటప్‌ను మార్చడం ద్వారా హైవే రైడింగ్ ఎక్స్‌పీరియన్స్‌ను మెరుగుపరిచారు. సస్పెన్షన్, బ్రేకింగ్ సిస్టమ్‌లో పెద్దగా మార్పులు లేకపోయినా, రైడర్ కంఫర్ట్ కోసం సీటు డిజైన్‌ను కొంచెం మార్చినట్లు సమాచారం. ఏప్రిల్ 23న లాంచ్ కాబోతున్న ఈ బైక్ ధర పాత మోడల్ కంటే కొంచెం ఎక్కువగా ఉండే అవకాశం ఉంది.

మార్కెట్లో పోటీ

ప్రస్తుతం భారత మార్కెట్లో స్క్రాంబ్లర్ బైక్‌లకు మంచి డిమాండ్ ఉంది. యెజ్డీ స్క్రాంబ్లర్ నేరుగా రాయల్ ఎన్‌ఫీల్డ్ స్క్రామ్ 411, ట్రయంఫ్ స్క్రాంబ్లర్ 400X వంటి బైక్‌లకు గట్టి పోటీ ఇవ్వనుంది. తన క్లాసిక్ లుక్, రఫ్ అండ్ టఫ్ ఇమేజ్‌తో యెజ్డీ మరోసారి మార్కెట్లో జెండా పాతాలని చూస్తోంది.