Maruti Suzuki Swift : చిన్న కార్ల అమ్మకాల్లో స్విఫ్ట్ దూకుడు

డిసెంబర్ 2023లో హ్యాచ్‌బ్యాక్‌లు అంటే చిన్న కార్ల అమ్మకాలు క్షీణించాయి. SUV కార్లకు పెరుగుతున్న డిమాండ్ మధ్య, మారుతి సుజుకి (Maruti Suzuki) చిన్న కార్లు ఇప్పటికీ తమ ప్రజాదరణను నిలుపుకున్నాయి. గత నెలలో, మారుతి సుజుకి స్విఫ్ట్ అత్యంత ఇష్టపడే హ్యాచ్‌బ్యాక్ కారు.

భారతదేశంలో ప్రజలు SUV కార్లను చాలా ఇష్టపడుతున్నారు. హ్యాచ్‌బ్యాక్‌లు అంటే చిన్న కార్ల పట్ల ఆకర్షణ తగ్గినా ఇప్పటికీ వాటిని కొనుగోలు చేసే వారి సంఖ్య మాత్రం తగ్గలేదు. మారుతీ సుజుకి, హ్యుందాయ్ , టాటా వంటి ఆటో బ్రాండ్లు భారతదేశంలో హ్యాచ్‌బ్యాక్ కార్లను విక్రయిస్తున్నాయి. వీటిలో అత్యధిక మార్కెట్ వాటాను మారుతి కలిగి ఉంది. డిసెంబర్ 2023 గురించి చెప్పాలంటే మారుతి సుజుకి స్విఫ్ట్ అందరినీ ఆశ్చర్యపరిచింది. చిన్న కార్ల విభాగంలో స్విఫ్ట్ నంబర్ వన్ కారుగా నిలిచింది.

గతేడాది డిసెంబర్‌లో మారుతీ సుజుకి స్విఫ్ట్ 11,843 యూనిట్లు అమ్మకాలు జరిగాయి. ఈ విభాగంలో మారుతికి పోటీ లేదు. దేశంలోని అతిపెద్ద కార్ కంపెనీ మారుతీ సుజుకీకి చెందిన టాప్ 3 హ్యాచ్‌బ్యాక్ కార్లు ఉన్నాయి. హ్యుందాయ్ ఐ10, ఐ20, టాటా టియాగో వంటి కార్లు అమ్మకాల పరంగా మారుతీ కార్ల కంటే వెనుకబడి ఉన్నాయి. దేశంలో అత్యధికంగా అమ్ముడవుతున్న 5 హ్యాచ్‌బ్యాక్ కార్లను చూద్దాం.

భారతదేశంలోని టాప్ 5 హ్యాచ్‌బ్యాక్ కార్లు

డిసెంబర్ 2022 ,డిసెంబర్ 2023 మధ్య చిన్న కార్ల అమ్మకాలలో 31.46 శాతం క్షీణత ఉంది. దేశంలో అత్యధికంగా అమ్ముడైన 5 హ్యాచ్‌బ్యాక్ కార్ల లిస్ట్ ఇక్కడ చూడండి..

మారుతి సుజుకి స్విఫ్ట్: డిసెంబర్ 2023లో మారుతి సుజుకి 11,843 యూనిట్లు విక్రయించబడ్డాయి. గతేడాది డిసెంబర్‌తో పోలిస్తే ఇది 1.81 శాతం తక్కువ. ప్రస్తుతం, మారుతి స్విఫ్ట్ భారతదేశంలో అత్యధికంగా అమ్ముడవుతున్న చిన్న కారు. దీని ఎక్స్-షోరూమ్ ధర రూ.6 లక్షల నుంచి ప్రారంభమవుతుంది.

మారుతీ సుజుకీ బాలెనో: మారుతీ సుజుకి కూడా రెండవ స్థానంలో ఉంది. ప్రీమియం హ్యాచ్‌బ్యాక్ మారుతి బాలెనో 10,669 యూనిట్ల విక్రయాలతో దేశంలోనే అత్యధికంగా అమ్ముడైన హ్యాచ్‌బ్యాక్‌గా రెండవ స్థానంలో ఉంది. దీని ప్రారంభ ఎక్స్-షోరూమ్ ధర రూ.8.38 లక్షలు.

మారుతి సుజుకి వ్యాగన్ఆర్: భారతదేశంలో అత్యధికంగా అమ్ముడవుతున్న కార్లలో ఒకటైన మారుతీ వ్యాగన్ఆర్ డిసెంబర్ 2023 డేటా ప్రకారం మూడవ అత్యధికంగా అమ్ముడైన చిన్న కారు. గత నెలలో 8,578 యూనిట్లు అమ్ముడయ్యాయి. ధర గురించి చూస్తే, వ్యాగన్ఆర్ ప్రారంభ ఎక్స్-షోరూమ్ ధర రూ. 5.54 లక్షలు.

హ్యుందాయ్ i10 NIOS: హ్యుందాయ్ విలాసవంతమైన హ్యాచ్‌బ్యాక్ i10 కూడా వేలాది మంది వినియోగదారులను ఆకర్షించింది. దీని 5,247 యూనిట్లు డిసెంబర్ 2023లో విక్రయించబడ్డాయి. అయితే, చాలా హ్యాచ్‌బ్యాక్ కార్ల మాదిరిగానే, దీని విక్రయాలు కూడా క్షీణించాయి. i10 NIOS ఎక్స్-షోరూమ్ ధర రూ. 5.92 లక్షల నుండి ప్రారంభమవుతుంది.

టాటా టియాగో: టాటా ప్రముఖ హ్యాచ్‌బ్యాక్ కారు టియాగో మొత్తం 4,852 యూనిట్లు విక్రయించబడ్డాయి. ఇందులో టియాగో ఎలక్ట్రిక్ వెర్షన్ విక్రయాలు కూడా ఉన్నాయి. టియాగో సహాయంతో, టాటా టాప్ 5 హ్యాచ్‌బ్యాక్‌ల జాబితాలోకి ప్రవేశించడంలో విజయం సాధించింది. ఈ కారు ప్రారంభ ఎక్స్-షోరూమ్ ధర రూ.5.59 లక్షలు.