Tata Sierra : అద్భుతమైన లుక్, అదిరిపోయే ఫీచర్లతో..1990ల జ్ఞాపకాలను నవంబర్ 25న టాటా తెచ్చేస్తోంది.

Tata Sierra : భారతీయ ఆటోమొబైల్ దిగ్గజం టాటా మోటార్స్ తన ఐకానిక్ ఎస్‌యూవీ మోడల్ సియెరాను తిరిగి తీసుకురాబోతున్న విషయం తెలిసిందే. ఈ సియెరా కొత్త తరం వెర్షన్ నవంబర్ 25న అధికారికంగా విడుదల కానుంది. ఈ నేపథ్యంలో టాటా మోటార్స్ ఒక కొత్త వీడియోను విడుదల చేసింది. ఈ వీడియో కొత్త సియెరా డిజైన్, హైటెక్ ఇంటీరియర్స్‌ను వివరంగా చూపించడమే కాకుండా, 1990ల నాటి పాత సియెరా జ్ఞాపకాలను గుర్తు చేసింది. పాత క్లాసిక్ ఫీల్, మోడ్రన్ టెక్నాలజీ కలయికతో రూపొందించబడిన ఈ కొత్త ఎస్‌యూవీ వివరాలను తెలుసుకుందాం.

టాటా మోటార్స్ కొత్త సియెరా ఎస్‌యూవీ నవంబర్ 25న మార్కెట్‌లోకి రాబోతోంది. దీనికి ముందు విడుదలైన వీడియో, ఈ మోడల్ పట్ల ఉన్న అంచనాలను మరింత పెంచింది. ఈ వీడియో పాత సియెరా (రెండవ తరం) తో మొదలవుతుంది. దాని ఐకానిక్ త్రీ డోర్ డిజైన్, వెనుకకు వంగిన పెద్ద గ్లాస్ ప్యానెల్ ముంబై వీధుల్లో ప్రయాణించడం 1990ల నాటి జ్ఞాపకాలను గుర్తుచేస్తుంది.

https://www.youtube.com/watch?v=UqDI4Y8Hzr4&t=166s

పాత సియెరా నుంచి కొత్త 2025 టాటా సియెరా కు మారే విధానం, ఈ మోడల్ పాత, కొత్త డిజైన్ అంశాల కలయిక అని స్పష్టం చేసింది. వీడియోలో కనిపించిన కొత్త సియెరా డిజైన్, లేటెస్ట్ లుక్కును ప్రతిబింబిస్తుంది. కొత్త సియెరా స్ట్రాంగ్, బాక్సీ షేప్ డిజైన్‌ను కలిగి ఉంది. ఇందులో కనెక్ట్ చేయబడిన LED DRL స్ట్రిప్, స్ప్లిట్ LED హెడ్‌లైట్లు, Sierra బ్యాడ్జింగ్‌తో కూడిన బ్లాక్ కలర్ గ్రిల్, సిల్వర్ స్కిడ్ ప్లేట్‌లు ఉన్నాయి.

ఇందులో 19-అంగుళాల పెద్ద అల్లాయ్ వీల్స్, వీల్స్ పైన, డోర్ల పైన నిగనిగలాడే నలుపు రంగు క్లాడింగ్ గమనించవచ్చు. ఇది సియెరాకు దృఢమైన ఎస్‌యూవీ లుక్‌ను ఇస్తుంది. సియెరా లోపలి భాగం అత్యంత హై-టెక్ ఫీచర్లతో నిండి ఉంది. ఇంటీరియర్స్‌లో అత్యంత ముఖ్యమైన హైలైట్ మూడు-స్క్రీన్ డాష్‌బోర్డ్. ఇది ఈ ఎస్‌యూవీ అడ్వాన్సుడ్ టెక్నాలజీ సామర్థ్యాన్ని సూచిస్తుంది. ఇందులో స్లీక్ సెంట్రల్ ఏసీ వెంట్స్, హారియర్ నుంచి ప్రేరణ పొందిన కంట్రోల్ ప్యానెల్, ఎలక్ట్రానిక్ పార్కింగ్ బ్రేక్, గేర్ సెలెక్టర్, పనోరమిక్ సన్‌రూఫ్, అడ్జస్టబుల్ హెడ్‌రెస్ట్‌లతో కూడిన వెనుక బెంచ్-స్టైల్ సీటు ఉన్నాయి. టాటా మోటార్స్ ఇప్పటికే ప్రకటించిన విధంగా, కొత్త సియెరా ఎలక్ట్రిక్, పెట్రోల్, డీజిల్ ఇంజిన్ ఆప్షన్లలో లభిస్తుంది.