Kia Seltos : 2026 కియా సెల్టోస్ వచ్చేస్తోంది.. అదిరిపోయే డిజైన్, పిచ్చెక్కించే ఫీచర్లు.

Kia Seltos : భారత మార్కెట్‌లో కియా బ్రాండ్‌కు సూపర్ స్టార్ ఇమేజ్ తీసుకొచ్చిన మోడల్.. కియా సెల్టోస్. ఇప్పుడు ఈ పాపులర్ ఎస్‌యూవీ కొత్త రూపురేఖలతో, అదిరిపోయే ఫీచర్లతో, ఏకంగా రెండో జనరేషన్ మోడల్‌గా మార్కెట్‌లోకి రాబోతోంది. 2026 కియా సెల్టోస్ గ్లోబల్ ఎంట్రీకి సిద్ధమైంది. డిజైన్, ఇంటీరియర్‌లలో భారీ మార్పులు, సరికొత్త టెక్నాలజీతో పాటు, మైలేజ్ ప్రియుల కోసం హైబ్రిడ్ వేరియంట్‌ను కూడా తీసుకురాబోతున్నారు.

భారత్‌లో లాంచ్ ఎప్పుడంటే?

రెండో జనరేషన్ కియా సెల్టోస్ ప్రపంచవ్యాప్తంగా డిసెంబర్ 10న కొరియాలో లాంచ్ కానుంది. భారత్‌లో అయితే 2026 ప్రారంభంలో ఈ కొత్త మోడల్‌ను విడుదల చేసే అవకాశం ఉంది. ఈ మోడల్ డిజైన్‌లో పెద్ద మార్పులు, ఫీచర్ అప్‌గ్రేడ్‌లతో ప్రస్తుత మోడల్ కంటే చాలా ఆధునికంగా కనిపిస్తుంది. గత కొద్దికాలంగా దీని టెస్టింగ్ జరుగుతోంది.

ఇంజన్లలో మార్పులు లేవు

ఈ కొత్త జనరేషన్ మోడల్‌లో కూడా ప్రస్తుతం ఉన్న ఇంజన్లే కొనసాగే అవకాశం ఉంది. 115 బీహెచ్‌పీ శక్తి గల 1.5 లీటర్ నాచురల్లీ ఆస్పిరేటెడ్ పెట్రోల్, 160 బీహెచ్‌పీ పవర్ ఇచ్చే 1.5 లీటర్ టర్బో పెట్రోల్, 116 బీహెచ్‌పీ సామర్థ్యం గల 1.5 లీటర్ డీజిల్ ఇంజన్‌లు అందుబాటులో ఉంటాయి.

కొత్త 7-స్పీడ్ గేర్‌బాక్స్ వస్తుందా?

ట్రాన్స్‌మిషన్లలో కూడా పెద్ద మార్పులు ఉండకపోవచ్చు. అయితే, 1.5 లీటర్ డీజిల్ ఇంజన్‌కు కొత్తగా 7-స్పీడ్ ఆటోమేటిక్ గేర్‌బాక్స్‌ను కియా ఇవ్వొచ్చు. ప్రస్తుతం డీజిల్ సెల్టోస్ 6-స్పీడ్ మ్యాన్యువల్ లేదా 6-స్పీడ్ టార్క్ కన్వర్టర్ ఆటోమేటిక్ గేర్‌బాక్స్‌తో వస్తోంది. ఈ కొత్త గేర్‌బాక్స్ వస్తే డ్రైవింగ్ అనుభవం మెరుగవుతుంది.

సెల్టోస్ హైబ్రిడ్ గురించి అంచనాలు

మైలేజ్ పెంచడం కోసం కియా సెల్టోస్ హైబ్రిడ్ వెర్షన్‌ను కూడా తీసుకొస్తోంది.ఈ హైబ్రిడ్ సిస్టమ్ 1.5 లీటర్ నాచురల్లీ ఆస్పిరేటెడ్ పెట్రోల్ ఇంజన్‌తో కలిపి పనిచేస్తుంది. ఈ హైబ్రిడ్ వేరియంట్ భారత్‌లో 2027 నాటికి మాత్రమే వచ్చే అవకాశం ఉంది. కియా తీసుకురాబోతున్న కొత్త 7-సీటర్ ఎస్‌యూవీలో కూడా ఇదే పెట్రోల్-హైబ్రిడ్ పవర్‌ట్రైన్‌ను వాడతారు. గ్లోబల్ మార్కెట్‌లో ఈ-ఆటోమేటిక్ వీల్ డ్రైవ్ సిస్టమ్ ఉండొచ్చు కానీ, భారతీయ మోడల్‌లో అది ఉండే అవకాశం తక్కువ.

అత్యాధునిక డిజైన్, ఫీచర్లు

2026 కియా సెల్టోస్, బ్రాండ్ కొత్త డిజైన్ ఫిలాసఫీ అయిన ఆపోజిట్స్ యునైటెడ్ను అనుసరిస్తుంది.కొత్త ఫ్రంట్ గ్రిల్, సన్నని వర్టికల్ డిఆర్‌ఎల్ లైట్లు, కొత్త అల్లాయ్ వీల్స్, రెండు వైపులా కలిపే కనెక్టెడ్ టెయిల్ ల్యాంప్స్ వంటి మార్పులు ఉంటాయి. ఎస్‌యూవీ మొత్తం సైజు కూడా కొద్దిగా పెరుగుతుంది.

ఎస్‌యూవీ ధరను పెంచడానికి, కియా ఇందులో హై-టెక్ ఫీచర్లను జోడించనుంది. సైరోస్ మోడల్ నుంచి తీసుకున్న ట్రినిటీ పనోరమిక్ డిస్‌ప్లే ఇంటీరియర్‌లో ప్రధాన ఆకర్షణగా నిలుస్తుంది. దీంతో పాటు కొత్త డాష్‌బోర్డ్ డిజైన్, కొత్త అప్‌హోల్‌స్ట్రీ వంటి మరిన్ని లగ్జరీ ఫీచర్లు ఉంటాయి.