Family Cars : ఫ్యామిలీ కారు కొనాలా? రూ.4.99 లక్షల నుంచి మొదలయ్యే బెస్ట్ కార్ల లిస్ట్ ఇదే.

Family Cars : మీరు తక్కువ బడ్జెట్‌లో, ఎక్కువ మైలేజీతో, డ్రైవింగ్‌కు సౌకర్యంగా ఉండే కారు కొనాలని ప్లాన్ చేస్తుంటే ఈ లిస్ట్ మీకు చాలా ఉపయోగపడుతుంది. ముఖ్యంగా సేఫ్టీ, ఫీచర్లలో రాజీ పడకుండా రూ.4.99 లక్షల ప్రారంభ ధర నుంచి లభించే 5 బెస్ట్ ఫ్యామిలీ కార్ల వివరాలు ఇక్కడ ఉన్నాయి.

1. మారుతి సుజుకి స్విఫ్ట్

మారుతి సుజుకి స్విఫ్ట్ భారతీయ కుటుంబాలకు చాలా కాలంగా ఇష్టమైన కారుగా ఉంది. దీని స్టైలిష్ లుక్, మంచి డ్రైవింగ్ అనుభవం, అద్భుతమైన మైలేజ్ దీనికి ప్రధాన ఆకర్షణ. ఈ కారు ప్రారంభ ధర రూ.5.79 లక్షల నుంచి మొదలవుతుంది. మైలేజ్ విషయానికి వస్తే ఇది లీటరుకు 22–24 కిమీ వరకు ఇస్తుంది. ఫీచర్ల పరంగా స్విఫ్ట్‌లో 9-అంగుళాల స్మార్ట్‌టచ్ స్క్రీన్, క్రూజ్ కంట్రోల్, 6 ఎయిర్‌బ్యాగ్‌లు వంటి ఆధునిక ఫీచర్లు ఉన్నాయి.

2. రెనాల్ట్ క్విడ్

మీరు చాలా తక్కువ బడ్జెట్‌లో కారు కోసం చూస్తున్నట్లయితే రెనాల్ట్ క్విడ్ సరైన ఎంపిక. దీని ప్రారంభ ధర కేవలం రూ.4.92 లక్షల నుంచి మొదలవుతుంది. ఎస్‌యూవీ తరహా డిజైన్, లీటరుకు లీటరుకు 20–22 కిమీ మైలేజ్ చిన్న కుటుంబాలకు ఈ కారును పర్ఫెక్ట్‌గా మారుస్తాయి. క్విడ్‌లో ఫుల్ డిజిటల్ ఇన్‌స్ట్రుమెంట్ క్లస్టర్, 8-అంగుళాల టచ్‌స్క్రీన్, రియర్ కెమెరా వంటి ముఖ్యమైన ఫీచర్లు అందుబాటులో ఉన్నాయి.

3. హ్యుందాయ్ గ్రాండ్ ఐ10 నియోస్

కారులో సౌకర్యంతో పాటు ప్రీమియం ఫీలింగ్ కోరుకునే కుటుంబాలకు హ్యుందాయ్ గ్రాండ్ ఐ10 నియోస్ సరైన ఎంపిక. దీని ప్రారంభ ధర దాదాపు రూ.5.47 లక్షల నుంచి ఉంటుంది. ఈ కారు లీటరుకు 18–21 కిమీ మైలేజ్ ఇస్తుంది. ఫీచర్ల విషయానికి వస్తే ఇందులో వైర్‌లెస్ ఛార్జర్, ఆటో ఏసీ, 8-అంగుళాల ఇన్ఫోటైన్‌మెంట్ సిస్టమ్, 6 ఎయిర్‌బ్యాగ్‌లు వంటి అధునాతన సదుపాయాలు ఉన్నాయి.

4. హోండా అమేజ్

ఎక్కువ స్పేస్ మరియు మెరుగైన సౌకర్యం కావాలనుకునే వారికి హోండా అమేజ్ (సెడాన్) ఒక గొప్ప ఎంపిక. దీని ప్రారంభ ధర దాదాపు రూ.7 లక్షల నుంచి ఉంటుంది. పెద్ద బూట్ స్పేస్‌తో పాటు, దీని రైడింగ్ క్వాలిటీ చాలా స్మూత్‌గా ఉంటుంది. అమేజ్ లీటరుకు 18–20 కిమీ మైలేజ్ ఇస్తుంది. ఎక్కువ స్పేస్, డ్రైవింగ్‌లో సౌలభ్యం దీనికి ప్రధాన ప్లస్ పాయింట్లు.

5. టాటా టియాగో

టాటా టియాగో దాని సాలిడ్ బిల్డ్ క్వాలిటీ, సేఫ్టీ సం ప్రసిద్ధి చెందింది. ఈ కారు ప్రారంభ ధర రూ.4.99 లక్షల నుంచి మొదలవుతుంది. టియాగో లీటరుకు 19–23 కిమీ మైలేజ్ ఇస్తుంది. 7-అంగుళాల టచ్‌స్క్రీన్, డిజిటల్ కన్సోల్ వంటి ఫీచర్లతో పాటు, తక్కువ ధరలో ఎక్కువ క్వాలిటీ అందించే కారుగా ఇది నిలుస్తుంది.