Top Selling Hatchbacks : హ్యాచ్‌బ్యాక్ కింగ్.. SUVs ఉన్నా తగ్గని డిమాండ్.. టాప్-5లో మారుతి 3 కార్లు!

Top Selling Hatchbacks : భారతదేశంలో ఇప్పుడు అందరూ ఎస్‌యూవీ కార్ల కోసం ఎక్కువ ఆసక్తి చూపిస్తున్నా, హ్యాచ్‌బ్యాక్ కార్లను ఇష్టపడేవారు ఇప్పటికీ చాలా మంది ఉన్నారు. అందుకే అక్టోబర్ 2025 నెలలో కూడా చాలా హ్యాచ్‌బ్యాక్ మోడల్స్ బాగా అమ్ముడయ్యాయి. ముఖ్యంగా టాప్-5లో మారుతి సుజుకి కంపెనీకి చెందిన మూడు కార్లు తమ పట్టు నిలుపుకోగా, టాటా టియాగో కూడా ఈ జాబితాలో చేరింది. ఆ నెలలో ఏ కారు ఎంత అమ్ముడైందో ఇప్పుడు చూద్దాం.

నెం.1 మారుతి వ్యాగన్ R

మారుతి వ్యాగన్ R మరోసారి అత్యధికంగా అమ్ముడైన హ్యాచ్‌బ్యాక్ కారుగా నంబర్ 1 స్థానంలో నిలిచింది. ఈ కారు వాడటానికి సులువుగా ఉండడం, మంచి మైలేజ్ ఇవ్వడం, మెయింటెనెన్స్ ఖర్చు తక్కువగా ఉండడం వల్ల చాలా సంవత్సరాలుగా కస్టమర్లకు బాగా నచ్చింది. అక్టోబర్ 2025లో ఈ కారు మొత్తం 18,970 యూనిట్లు అమ్ముడయ్యాయి.

మారుతి బాలెనో

ప్రీమియం హ్యాచ్‌బ్యాక్ కార్లలో మారుతి బాలెనో ఎప్పుడూ స్టైల్, ఎక్కువ స్పేస్, ఫీచర్లకు పేరుగాంచింది. బాలెనో గత నెలలో 16,873 యూనిట్లు అమ్మింది.

మారుతి స్విఫ్ట్

స్విఫ్ట్ తన స్పోర్టీ లుక్ మరియు డ్రైవింగ్ చేసేటప్పుడు ఇచ్చే అనుభూతి కారణంగా టాప్-సెల్లర్‌గా కొనసాగుతోంది. అక్టోబర్‌లో స్విఫ్ట్ 15,542 యూనిట్లు అమ్ముడయ్యాయి.

టాటా టియాగో

ఈ జాబితాలో టాటా టియాగో నాలుగో స్థానంలో నిలిచింది. ఈ కారును కస్టమర్లు దాని సేఫ్టీ, నాణ్యమైన బిల్డ్ క్వాలిటీ, సరసమైన ధర కోసం ఇష్టపడతారు. గత నెలలో టియాగో 8,850 యూనిట్లు అమ్ముడయ్యాయి.

మారుతి ఆల్టో

భారతదేశంలో చాలా సంవత్సరాలుగా అత్యంత చవకైన, నమ్మదగిన కార్లలో ఒకటైన మారుతి ఆల్టో 6,210 యూనిట్లు అమ్మి టాప్-5లో స్థానం సంపాదించింది. తక్కువ నిర్వహణ ఖర్చు, డ్రైవ్ చేయడానికి సులువుగా ఉండటం దీని ప్రత్యేకతలు.

ఇతర కార్ల అమ్మకాలు

ఈ టాప్-5 కార్లతో పాటుగా టయోటా గ్లాంజా, హ్యుందాయ్ గ్రాండ్ ఐ10 నియోస్, హ్యుందాయ్ ఐ20, టాటా ఆల్ట్రోజ్, మారుతి ఎస్-ప్రెస్సో వంటి కార్లు కూడా మార్కెట్‌లో మంచి అమ్మకాలనే నమోదు చేశాయి. మొత్తంమీద హ్యాచ్‌బ్యాక్ సెగ్మెంట్ ఇంకా బలమైన డిమాండ్‌తో ముందుకు సాగుతోందని ఈ లెక్కలు చెబుతున్నాయి.