Zomato : ఏఐ ఫొటోలను తొలగిస్తున్నాం ప్రకటించిన జొమాటో

ఆర్టిఫిషియల్ ఇంటెలిజెన్స్(ఏఐ)తో క్రియేట్ చేసిన ఫుడ్ ఐటమ్స్ ఫొటోలను తమ ప్లాట్‌ఫామ్‌ నుంచి తొలగించనున్నట్లు జొమాటో సీఈవో పిందర్‌ గోయల్‌ వెల్లడించారు. అలాంటి ఫొటోలు తప్పుదోవ పట్టించేవిగా ఉన్నాయంటూ చాలామంది కస్టమర్ల నుంచి ఫిర్యాదులు అందిన నేపథ్యంలోనే ఈ నిర్ణయం తీసుకున్నామని తెలిపారు.‘మా పనిని సమర్థంగా చేయడానికి జొమాటోలో ఏఐ టెక్నాలజీని ఉపయోగిస్తున్నాం. రెస్టారెంట్స్ మెనూల్లోని ఫుడ్ ఐటమ్స్ ఫొటోల కోసం మాత్రం ఏఐని వాడడాన్ని మేం ఆమోదించడం లేదు. ఏఐతో క్రియేట్ చేసిన ఫొటోలు తప్పుదారి పట్టించేవిగా ఉన్నాయి. ఈ సమస్యపై కస్టమర్ల నుంచి పలు ఫిర్యాదులు అందాయి. అందుకే ఏఐ ఇమేజెస్‌ వాడొద్దని మా భాగస్వామ్య రెస్టారెంట్లను కోరుతున్నాం. ఈనెలాఖరులోగా మెనూల నుంచి అటువంటి ఫొటోలను తొలగించడం ప్రారంభిస్తాం’ అని దీపిందర్‌ ‘ఎక్’స్‌లో పోస్ట్‌ చేశారు.