Nandamuri Family : ఎన్టీఆర్ ఫ్యామిలీ నుంచి మరో ఎన్టీఆర్

తెలుగు సినిమా ఇండస్ట్రీలో నందమూరి ఫ్యామిలీకున్న క్రేజ్ గురించి ప్రత్యేకంగా చెప్పాల్సిన పనిలేదు. ఇప్పటికే సీనియర్ ఎన్టీఆర్ నుంచి జూనియర్ ఎన్టీఆర్, కల్యాణ్ రామ్, బాలకృష్ణ, హరికృష్ణ ఇలా ఎందరో సూపర్ స్టార్స్ ఉన్నారు. తాజాగా ఈ కుటుంబం నుంచి మరో యంగ్ హీరో ఎంట్రీకి సిద్ధమవుతున్నారు. నందమూరి హరికృష్ణ మనవడు, జానకిరామ్ కుమారుడు తారక రామారావు హీరోగా అరంగేట్రం చేస్తున్నారు. ఈ సినిమాను వైవీఎస్ చౌదరి తెరకెక్కించనున్నారు. న్యూ టాలెంట్ రోర్స్ పతాకంపై ఆయన సతీమణి గీత ఈ చిత్రాన్ని నిర్మిస్తున్నారు. ఈ విషయాన్ని తాజాగా వైవీఎస్ చౌదరి ప్రకటించారు. అంతేకాదు సినిమా నుంచి తారకరామారావు ఫస్ట్ లుక్ ను కూడా విడుదల చేశారు. ఈ లుక్ కి ఆడియన్స్ నుండి కూడా క్రేజీ రెస్పాన్స్ వస్తోంది. ఇక ఈ సినిమా వెచ్చే ఏడాది ప్రేక్షకుల ముందుకు రానుంది.
Tags
© Copyright 2025 : tv5news.in. All Rights Reserved. Powered by hocalwire.com