Bujjitalli Sad Version : యూట్యూబ్ లోకి బుజ్జితల్లి సాడ్ వర్షన్ వచ్చేసింది!
అక్కినేని నాగచైతన్య, సాయిపల్లవి జంటగా నటించిన సినిమా తండేల్. చందూ మొండేటి దర్శకత్వంలో రూపుదిద్దుకున్న ఈ సినిమాను టాలీవుడ్ అగ్ర నిర్మాత, గీతా ఆర్ట్స్ అధినేత అరవింద్ ఈ చిత్రాన్ని సమర్పించా రు. బన్నీ వాసు రూ.70 కోట్లతో నిర్మించారు. ఫిబ్రవరి 7న ప్రేక్షకుల ముందుకు వచ్చిన ఈ చిత్రం ఇప్పటికీ థియేట్రికల్ రన్ ను కొనసాగిస్తోంది. ఉత్త రాంధ్ర మత్స్యకారుల జీవిత కథ ఆధారంగా తెరకెక్కిన ఈ సినిమా బ్లాక్ బస్టర్ హిట్ గా నిలిచింది. సినిమాలోని బుజ్జితల్లి సాంగ్ అందరికీ బాగా కనెక్ట్ అయ్యింది. ఇప్పటికే వంద కోట్ల గ్రాస్ మార్కెట్ ను దాటేసింది. తండేల్ నిన్నటి నుంచి ఓటీటీలోనూ స్ట్రీమింగ్ అవుతోంది. ప్రముఖ ఓటీటీ సంస్థ నెట్ ఫ్లిక్స్ ఈ సినిమా హక్కులను సొంతం చేసుకున్న విషయం తెలిసిందే. బుజ్జి తల్లి సాంగ్ సాడ్ వర్షన్
ఇటీవల బుజ్జితల్లి వీడియోసాంగ్ ను రిలీజ్ చేసిన చిత్రబృందం నిన్న ఇదే పాట సాడ్ వర్షన్ ను యూట్యూబ్లో విడుదల చేశారు. సినిమాలో ఈ సాంగ్ వచ్చేటప్పుడు ప్రేక్షకులు కంటతడి పెట్టుకుంటారు. ఏమి తప్పు చేశానే.. ఇంత శిక్ష వేశావె.. ఊపిరాపి చంపేసే తీర్పు రాసి పంపావె.. అంటూ సాగే ఈ పాట బ్రేకప్ అయిన వారికి మరింత కనెక్ట్ అవుతుంది.