Tollywood : హాట్ బ్యూటీకి బంపర్ ఆఫర్.. ఎన్టీఆర్ సినిమాలో ఛాన్స్

సౌత్ లో ప్రెసెంట్ బాగా వినిపిస్తున్న పేరు ఊర్వశి రౌతేలా. ఇప్పటికే 'వాల్తేరు వీరయ్య', 'బ్రో' చిత్రాల్లో చిందేసిన ఈ భామ తన డ్యాన్స్ తో మాస్ ప్రేక్షకులను విపరీతంగా ఆకట్టుకుంది. తాజాగా బాలకృష్ణ బ్లాక్ బస్టర్ మూవీ ‘డాకు మహారాజ్ ' చిత్రంలో 'దబిడి దిబిడి’ ఐటెం సాంగ్ తో మరింత పాపులారిటి దక్కించుకుంది. ఈ పాట ఇప్పుడు సోషల్ మీడియాలో మారుమోగిపోతుంది. ముఖ్యంగా ఆమె పాత్రలో గ్లామర్ తో పాటు యాక్షన్ కూడా బాగానే హైలైట్ అయింది. దీంతో ప్రస్తుతం ఊర్వశి దృష్టి మొత్తం సౌత్ ఇండస్ట్రీపైనే ఉంది. అయితే తాజాగా ఈ హాట్ బ్యూటీ మరో బంపర్ ఆఫర్ కొట్టేసింది. స్టార్ డైరెక్టర్ ప్రశాంత్ నీల్, ఎన్టీఆర్ కలయికలో రాబోతున్న సినిమాలో ఈ ముద్దుగుమ్మకి ఛాన్స్ దొరికిందట. ఈ పీరియాడిక్ మాస్ యాక్షన్ డ్రామాలో తారక్ కు జోడీగా రుక్మిణీ వసంత్ నటించబోతుంది. ఇక ఇప్పటికే ఈ మూవీ రెగ్యులర్ చిత్రీకరణ మొదలైంది. మార్చి నుంచి ఎన్టీఆర్ సెట్స్ లోకి అడుగు పెడతారని తెలుస్తోంది. ప్రస్తుతం రామోజీ ఫిల్మ్ సిటీలో ఓల్డ్ కోల్కతా బ్యాక్ డ్రాప్ ఓ ప్రత్యేక సెట్ను రెడీ చేస్తున్నారు. వచ్చే షెడ్యూల్ లో ఊర్వశి రౌతేలా కూడా షూట్ లో జాయిన్ కానుంది. ఈ చిత్రం వచ్చే ఏడాది జనవరి 9న ప్రేక్షకుల ముందుకు రాబోతుంది. మైత్రీ మూవీ మేకర్స్, ఎన్టీఆర్ ఆర్ట్స్ సంస్థలు సంయుక్తంగా నిర్మిస్తున్నాయి.