Samantha : మా బంధానికి పేరు పెట్టలేను

సినీ హీరోయిన్ సమంత తాజాగా కోలీవుడ్లో జరిగిన ఓ కార్య క్రమంలో 'గోల్డెన్ క్వీన్' పురస్కారాన్ని అందుకున్నారు. ఈ సందర్భంగా ఆమె తన కెరీర్, వ్యక్తిగత జీవితంపై ఆసక్తికర వ్యా ఖ్యలు చేశారు. ముఖ్యంగా నటుడు, దర్శకుడు రాహుల్ రవీంద్రన్ తో తనకున్న అనుబంధాన్ని పంచుకున్నారు. 'నాకు హెల్త్ బాగాలేని క్లిష్ట సమయంలో రాహుల్ అండగా నిలిచాడు. ఉదయం నుంచి సాయంత్రం వరకూ నాతోనే ఉంటూ జాగ్రత్తగా చూసుకున్నాడు. మా బంధానికి పేరు పెట్టలేను. స్నేహితుడు, సోదరుడు, కుటుంబ సభ్యుడు, రక్తసంబంధీకుడా అని చెప్పలేను. ఫ్యాన్స్ మద్దతు నా అదృష్టం. లక్తో పాటు నేను పడిన కష్టమే ఈరోజు ఇంతమంది అభిమానానికి కారణం. దేవుడిచ్చిన వరంగా భావిస్తాను. మనం తీసుకునే ఒక్క నిర్ణయాన్ని దృష్టిలో ఉంచుకొని కెరీర్ ఎలా ఉంటుందో చెప్పలేం. ఒకవేళ ఎవరైనా అలా డిసైడ్ చేస్తే అది అబద్దమే అవుతుంది. తెలిసి, తెలియక తీసుకున్న ఎన్నో నిర్ణయాలు కెరీర్పై ప్రభావం చూపుతాయి' అని సమంత పేర్కొంది. ఇక సినిమాల విషయాలకొస్తే.. సమంత ప్రస్తుతం 'రక్త బ్రహ్మాండ్' కోసం వర్క్ చేస్తోంది. యాక్షన్ ఎంటర్టై నర్ గా ఇది సిద్ధం అవుతోంది. అలాగే ఆమె నిర్మాతగా వ్యవహరించిన తొలి ఫీచర్ ఫిల్మ్ 'శుభం' మే 9న రిలీజ్ కానుంది.