Deepika Padukone : అందులో నేను వీక్ గానే ఉంటా.. దీపికా పదుకొనే ఆసక్తికర వ్యాఖ్యలు

తన స్కూల్ డేస్ గుర్తుకు తెచ్చుకుంది బాలీవుడ్ స్టార్ హీరోయిన్ దీపికా పదుకొణె. చిన్నప్పుడు తానూ అల్లరి పిల్లనే అని చెప్పుకొంది. ప్రధానమంత్రి నరేంద్రమోదీ ఏటా నిర్వహించే 'పరీక్షా పే చర్చను ఈసారి వినూత్నంగా నిర్వహించగా దీపిక పాల్గొని.. మానసిక ఆరోగ్యం పై విద్యార్థులకు సలహాలిచ్చారు. ఇందుకు సంబంధించిన వీడియోను తాజాగా ఆమె తన ఇన్స్టా ఖాతాలో షేర్ చేశారు. 'చిన్నప్పుడు స్కూల్లో నేనూ సోఫాలు, టేబుల్స్, కుర్చీలు ఎక్కి అల్లరి చేసేదాన్ని. చదువుకునే రోజుల్లో చాలా ఒత్తిడి ఉంటుంది. నాకు లెక్కలంటే చాలా భయం. ఇప్పటికీ అందులో నేను వీక్ గానే ఉంటా. అయితే, ఆ భయాన్ని అధిగమించాలి. ప్రధాని మోదీ రాసిన 'ఎగ్జామ్ వారియర్స్' పుస్తకంలో వివరించినట్లు గా.. సమస్యను లోలోపల అణచిపెట్టుకోకుండా.. బయటకు చెప్పాలి. మీ తల్లిదండ్రులు, స్నేహితు లు, కుటుంబసభ్యులు, టీచర్లతో పంచుకోవాలి. జర్నల్ లేదా డైరీ రాయడం అలవాటు చేసుకోవాలి. మిమ్మల్ని మీరు వ్యక్తపర్చుకోవడం కోసం అది గొప్ప మార్గం' అంటోంది దీపిక. దీపిక ఎపిసోడ్కు సంబంధించి తాజాగా ట్రైలర్ మాత్రమే పంచుకున్నారు. పూర్తి వీడియోను రేపుఉదయం 10 గంటలకు విడుదల చేయనుంది.