Shruti Haasan : శృతిహాసన్ ను తప్పించడానికి ఆటిట్యూడే కారణమా?
శృతిహాసన్ గురించి తెలుగు ప్రేక్షకులకు ప్రత్యేకంగా చెప్పాల్సిన పనిలేదు. కమల్ హాసన్ కుమార్తెగా మూవీ ఇండస్ట్రీలోకి వచ్చినా.. తనకంటూ ఓ ప్రత్యేకమైన స్థానాన్ని సొంతం చేసుకుంది. ప్రభాస్ హీరోగా AHA వచ్చిన సలార్ మూవీలో నటించి మెప్పించింది. తర్వాత మళ్లీ ఈమె సినిమాలు ఒక్కటి కూడా విడుదల కాలేదు. అయితే తాజాగా శృతిహాసన్ కు సంబంధించి ఓ ఇంట్రెస్టింగ్ న్యూస్ వైరల్ అవుతోంది. ఇప్పటికే అడవిశేష్ హీరోగా డెకాయిట్ మూవీ రూపొందుతోంది. అందులో హీరోయిన్ గా ఫస్ట్ శృతిహాసన్ ను ఎంపిక చేసినా.. తర్వాత ఆమె ఆ మూవీ నుంచి తప్పుకుంది. దీంతో మేకర్స్ ఈ మూవీకి మృణాల్ ఠాకూర్ ను ఎంపిక చేశారు. ఈ మూవీనే కాదు మరో రెండు సినిమాల నుంచి కూడా శృతి తప్పుకున్నట్టు తెలుస్తోంది. అయితే ఆ సినిమాల నుంచి ఆమె తప్పుకుందా? లేదా తప్పించారా? అనేది గుసగుసలు వినిపిస్తున్నాయి. శృతిహాసన్ తో పనిచేయడం కష్టమని ఆమెతో సినిమాలు చేసిన టీమ్ చెప్తున్నారట. ఇందుకు ఆమె ఆటిట్యూడ్ కారణమని అంటున్నారట. ఏదేమైనా ఆమె సినిమాల నుంచి బయటకు వచ్చేస్తోంది.