Kannappa : అమెరికాలో కన్నప్ప బిజిబిజీ

మంచు విష్ణు, మోహన్ బాబుల డ్రీమ్ ప్రాజెక్ట్ 'కన్నప్ప' జూన్ 27న పాన్ ఇండియా స్థాయిలో వివిధ భాషల్లో విడుదల కానుంది. ఇప్పటికే షూటింగ్ పనులు పూర్తిచేసుకున్న ఈ మూవీ.. ప్రచార కార్యక్రమాలనూ ముమ్మరం చేసింది. ఇందులో భాగంగా మే 8వ తేదీ నుంచి అమెరికాలో ప్రమోషన్స్ కు సిద్ధమవుతోంది. న్యూజెర్సీలో రోడ్షోతో పాటు డల్లాస్, లాస్ ఏంజిల్స్లోలో ఈవెంట్స్ ఉంటాయని తాజాగా మేకర్స్ ప్రకటించారు. ముకేశ్ కుమార్ సింగ్ తెరకెక్కిస్తున్న ‘కన్నప్ప’లో విష్ణు సరసన ప్రీతి ముకుందన్ హీరోయిన్ గా నటిస్తోంది. మంచు మోహన్ బాబుతో పాటు మోహన్ లాల్, అక్షయ్ కుమార్, ప్రభాస్, కాజల్, శరత్ కుమార్, బ్రహ్మానందం తదితరులు ఇతర కీలక పాత్రల్లో కనిపించనున్నారు. ఏవీఏ ఎంటర్టైన్మెంట్, 24 ఫ్రేమ్ ఫ్యాక్టరీ పతాకంపై మోహన్ బాబు నిర్మిస్తున్న ఈ మూవీకి విష్ణునే కథ, స్క్రీన్ప్ ప్లే అందించారు. దాదాపు రూ.100 కోట్ల భారీ బడ్జెట్ తో ఈ చిత్రాన్ని తీర్చిదిద్దారు. ఇక, ఇప్పటికే విడుదలైన ఈ సినిమా టీజర్, ట్రైలర్, పాటలకు మంచి స్పందన వచ్చిన విషయం తెలిసిందే.