Lucky Bhaskar : లక్కీ భాస్కర్ మరో రికార్డు.. 13 వారాల పాటు ట్రెండ్

దుల్కర్ సల్మాన్ హీరోగా నటించిన లక్కీ భాస్కర్ సినిమా వరుస రికార్డులతోనూ దూసుకుపోతోంది. సితార ఎంటర్టైన్మెంట్స్, ఫా ర్చ్యూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య నిర్మించారు. అక్టోబర్ 31, 2024 న విడుదలైన థియేటర్ల లో విడుదలైన ఈ చిత్రం విమర్శకుల ప్రశంస లతో పాటు, ప్రేక్షకుల మెప్పు పొందింది. బాక్సాఫీస్ దగ్గర కాసుల వర్షం కురిపించిన లక్కీ భాస్కర్, దుల్కర్ సల్మాన్ కెరీర్ లోనే అత్యధిక వసూళ్లు రాబట్టిన చిత్రంగా నిలిచింది. ఈ సినిమా ప్రముఖ ఓటీటీ వేదిక నెట్ ఫ్లిక్స్ లో స్ట్రీమింగ్ అవుతోంది. నెట్ ఫ్లిక్స్ లో వరుసగా 13 వారాల పాటు ట్రెండ్ అయిన మొదటి దక్షిణ భారతీయ చిత్రంగా సరికొత్త చరిత్ర సృష్టించింది. మొదటి వారంలో ఏకంగా 15 దేశాలలో నెట్ ఫ్లిక్స్ టాప్ 10లో మొదటి స్థానాన్ని పొందింది. అలాగే 17.8 బిలియన్ నిమిషాల వీక్షణలతో, రెండు వారాల పాటు ప్రపంచవ్యాప్తంగా రెండో స్థానంలో నిలిచింది. ఇక ఇప్పుడు నెట్లోక్లో వరుసగా 13 వారాల పాటు ట్రెండ్ అయిన తొలి దక్షిణాది సినిమాగా చరిత్ర సృష్టించింది.