Dunki Vs Salaar : ప్రభాస్, షారుఖ్ మూవీల మధ్య కొనసాగుతున్న వివాదం
మల్టీప్లెక్స్ చైన్‌లు ప్రభాస్ నటించిన ‘సాలార్ పార్ట్ - 1 సీజ్ ఫైర్’ కంటే షారూఖ్ ఖాన్ ‘డుంకీ’కి మొగ్గు చూపుతున్నందున దక్షిణాదిలోని పివిఆర్ ఐనాక్స్, మిరాజ్ సినిమా థియేటర్లలో తమ సినిమాను ప్రదర్శించబోమని నిర్మాతలు చెప్పారు. JIO స్టూడియోస్, రెడ్ చిల్లీస్ ఎంటర్‌టైన్‌మెంట్, రాజ్‌కుమార్ హిరానీ ఫిలిమ్స్ సమర్పిస్తున్న డుంకీ గురువారం అంటే డిసెంబర్ 21న రిలీజైంది, అంటే హోంబలే ఫిలిమ్స్ సాలార్ కంటే ఒక రోజు ముందు ప్రేక్షకుల ముందుకు వచ్చింది. PVR INOX అందుబాటులో లేనప్పటికీ, ప్రస్తుతం ఈ విషయంపై వ్యాఖ్యానించడానికి మీరాజ్ సినిమాస్ నిరాకరించింది.
సాలార్, డుంకీ రెండూ సమానమైన ప్రదర్శన పొందుతాయని పివిఆర్ ఐనాక్స్, మిరాజ్ సినిమాస్ బ్యానర్‌కు వాగ్దానం చేశాయని, ఈ వాగ్దానాన్ని వారు గౌరవించడం లేదని హోంబలే ఫిల్మ్స్ ప్రతినిధి చెప్పారు. సాలార్'కి అన్యాయమైన ప్రదర్శన కారణంగా, మేము దక్షిణాది రాష్ట్రాల్లోని PVR INOX, MIRAJలలో విడుదల చేయమని, గత రెండు రోజులుగా వారితో చర్చిస్తున్నామని చెప్పారు. “వారు అంగీకరించిన దానికి వ్యతిరేకంగా ఉన్న 'డుంకీ' కోసం మాత్రమే అన్ని షోలు/స్క్రీన్‌లను ఓపెన్ చేశారు. చర్చించినప్పుడు సమానమైన ప్రదర్శన ఇస్తామని వారు అంగీకరించారు, కానీ ఇప్పుడు వారు అలా చేయడం లేదు”అని ప్రొడక్షన్ హౌస్ ప్రతినిధి ఒక ప్రకటనలో తెలిపారు.
ఈ క్రమంలోనే #BoycottPVRInox, #BoycottPvrAjayBijli వంటి హ్యాష్‌ట్యాగ్‌లు కూడా Xలో ట్రెండింగ్‌ను ప్రారంభించాయి. కల్పిత నగరం ఖాన్సార్‌లో సెట్ చేయబడిన, సాలార్ ఇద్దరు స్నేహితులు దేవా, వర్ధ చుట్టూ తిరుగుతుంది, ప్రభాస్, పృథ్వీరాజ్ సుకుమారన్ ఈ మూవీలో ప్రత్యేక పాత్రలు పోషించారు. ప్రశాంత్ నీల్ దర్శకత్వం వహించిన ఈ సినిమా తెలుగు, కన్నడ, తమిళం, మలయాళం, హిందీ భాషల్లో విడుదల కానుంది. ఇక రాజ్‌కుమార్ హిరానీ దర్శకత్వం వహించిన డుంకీ.. అక్రమ ఇమ్మిగ్రేషన్ టెక్నిక్ 'డంకీ ఫ్లైట్' ఆధారంగా రూపొందిన ఒక కామెడీ డ్రామా.
