Shivangi First Look : శివంగి మాస్ లుక్.. ఇరగదీసిన ఆనంది

ఆనంది, వరలక్ష్మీ శరత్ కుమార్ ప్రధాన పాత్రల్లో నటిస్తున్న చిత్రం 'శివంగి', దేవరాజ్ భరణి ధరన్ దర్శకత్వంలో రూపొందుతోంది. నరేష్ బాబు పి. నిర్మిస్తున్నారు. ఉమెన్ సెంట్రిక్ చిత్రమిది. జాన్ విజయ్, డా. కోయ కిషోర్ కీలక పాత్రధారులు. ఈ సినిమా ఫస్ట్లుక్ పోస్టర్ను దర్శకుడు అనిల్ రావిపూడి విడుదల చేశారు. నలుపు లుంగీ, చొక్కాతో కాళ్ళపై కాళ్లు వేసుకొని, సోఫాలో కూర్చున్న ఆనంది లుక్ ఆకట్టుకునే విధంగా ఉంది. ఈ ఫస్ట్ లుక్ సినిమాపై ఆసక్తిని కలిగిస్తోంది. ఈ చిత్రానికి ఏహెచ్ కాషిప్, ఎబినేజర్ పాల్ సంగీతం, భరణి కె. ధరన్ ఛాయాగ్రహణం అందిస్తున్నారు. పోస్ట్ ప్రొడక్షన్ పనులు చివరి దశకు చేరుకున్నాయి. మార్చి ఏడవ తేదీన సినిమాను విడుదల చేసేందుకు సన్నాహాలు చేస్తున్నారు.