Sri Leela : శ్రీలీల డబుల్ గేమ్!

సౌత్లో వరుస సినిమాలు చేసి గుర్తింపు తెచ్చుకున్న హీరోయిన్ శ్రీలీల. అయితే తెలుగులో మాత్రం తన స్పెషాల్టీ ఇంతవరకూ ఏ మూవీలోనూ హైలైట్ అవ్వలేదు. కొన్ని చిత్రాల్లో సెకెండ్ లీడ్ కు పరిమితమవ్వడం.. మరికొన్ని సినిమాల్లో పూర్తి స్థాయిలో నటనకు ఆస్కారం లేకపోవడంతో ఈముద్దుగుమ్మ రేసులో వెనుకబడింది. దీనికితోడు చెప్పుకోవడానికి భారీ హిట్లు అంటూ లేవు. ఇటీవల రిలీజ్ అయిన ‘రాబిన్ హుడ్' కూడా థియేటర్లలో పెద్దగా ఆడలేదు. ఈ మూవీ హిట్ అయితే కెరీర్ పరంగా ఎంతో కొంత కలిసొచ్చేది. అయినప్పటికీ ఈబ్యూటీకి మాత్రం మంచి అవకాశాలే వస్తున్నాయి. ప్రస్తుతం తెలుగులో రెండు ప్రాజెక్టులు శ్రీలీల చేతిలో ఉన్నాయి. అందులో ఒకటి రవితేజ సరసన 'మాస్ జాతర'. రెండోది అఖిల్ హీరోగా నటిస్తోన్న 'లెనిన్'. ఈ రెండు హిట్ అయితే ఛాన్సుల రేసులో దూసుకొస్తుంది. లేదంటే? కష్టమే అన్న చర్చ సాగుతుంది. అయితే లక్కీగా బాలీవుడ్ లో కూడా అవకాశాలు రావడంతో శ్రీలీలకు అతిపెద్ద రిలీఫ్. టాలీవుడ్ లో ఫెయిలైనా బాలీవుడ్ లో చూసుకుందాం? అన్న ధీమా శ్రీలీలలో కనిపిస్తోన్నట్లు తెలుస్తోంది. ఆ కారణంగానే తెలుగు చిత్రాలపై ఫోకస్ చేయలేదా? అన్న సందేహం కూడా వ్యక్తమవుతోంది. ప్రస్తుతం బాలీవుడ్ లో కార్తీక్ ఆర్యన్ కి జోడీగా ఓ సినిమా చేస్తోంది. మరో బిగ్ ప్రొడక్షన్ హౌస్ లోనూ కొత్త మూవీకి సైన్ చేసినట్లు ప్రచారం జరుగుతోంది.