Nayanthara : అప్పుడు తలదించుకున్నా..నయనతార సంచలన కామెంట్స్!

దాదాపు రెండు దశాబ్దాలుగా ఇండస్ట్రీని మహారాణిగా ఏలుతోంది నయనతార. విలక్షణ నటిగా, లేడీ సూపర్ స్టార్, ఇండియాలో అత్యధిక పారితోషికం తీసుకునే నటిగా నయన్ టాప్ లో ఉంది. స్టార్ హీరోలను మించి ఆమె సినిమాలు వసూళ్ల వర్షం కురిపిస్తున్నాయి. 40 ప్లస్ కూడా చెక్కు చెదరని గ్లామర్తో కుర్ర హీరోయిన్లకు పోటీ ఇస్తుంది. లేటెస్టుగా ఈ కేరళ బ్యూటీ కీలక పాత్రలో నటిస్తున్న సినిమా 'టెస్ట్'. డైరెక్టర్ ఎస్.శశికాంత్ తెరకెక్కించిన ఈ చిత్రం నేరుగా నెట్ ఫ్లిక్స్ లో ఏప్రిల్ 4 నుంచి స్త్రీమింగ్ కానుంది. తెలుగు, తమిళ, మలయాళం, కన్నడ, హిందీ భాషల్లో అందుబాటులోకి రానుంది. ఇందులో నటుడు ఆర్.మాధవన్, సిద్ధార్థ్ ప్రధాన పాత్రలు పోషిస్తున్నారు. ఆ తర్వాత నయన్ చేతిలో డియర్ స్టూడెంట్స్, అమ్మోరు తల్లి 2 చిత్రాలు ఉన్నాయి. అయితే అటు మూవీస్ సంగతి ఎలా ఉన్నా.. వివాదాలతోనూ ఈభామ అంతే వార్తల్లో నిలుస్తూ ఉంటుంది. ఇక తాజాగా ఈ ముద్దు గుమ్మ ఒక ఇంట్రెస్టింగ్ విషయాన్ని ప్రేక్షకులతో పంచుకుంది. పార్టీబన్ డైరెక్ట్ చేస్తున్న మూవీతో నేను హీరోయిన్ గా పరిచయం కావాల్సింది. ఆడిషన్ చేసి మరీ ఆయన నన్ను సెలెక్ట్ చేశారు. కానీ కొన్ని వ్యక్తి గత కారణాల వల్ల టైమ్ కు లొకేషన్ ఉండలేకపోయాను. తొలిరోజే లేట్ గా రావడంతో 'ఈ సినిమాకు నీతో పనిలేదు.. వెళ్లిపో' అని ముఖంమీదే అనేశారు. ఆయన అలా అన్నందుకు బాధ లేదు. కానీ, అందరిముందూ అలా అనడంతో నా మనసు చివుక్కుమంది. క్షమించమని అడిగే ధైర్యం కూడా చేయలేకపోయా. తలదించుకొని వెనక్కి వెళ్లిపోయాను’ అంటూ గత చేదు జ్ఞాపకాలు గుర్తు చేసుకుంది.