US Warning : క్లాసులు ఎగ్గొడితే వీసా క్యాన్సిల్.. అమెరికా వార్నింగ్

అమెరికాలో ఉంటున్న విదేశీ విద్యార్థులు, అక్రమ వలసదారుల పట్ల ఇప్పటికే కఠినంగా వ్యవహరిస్తున్న ట్రంప్ సర్కార్మరో కీలక నిర్ణయం తీసుకుంది. చదువుకోవడానికి యూఎస్కు వెళ్లి విద్యాసంస్థల పర్మిషన్ లేకుండా క్లాసులు ఎగ్గొడితే వీసాలు క్యాన్సిల్ చేస్తామని వార్నింగ్ ఇచ్చింది. ఈ మేరకు ఇండియాలోని అమెరికా ఎంబసీ ఓ ప్రకటన రిలీజ్ చేసింది. ‘డ్రాపౌట్ అయినా, క్లాస్లు ఎగ్గొట్టినా.. విద్యాసంస్థకు చెప్పకుండా స్టడీ ప్రోగ్రామ్ నుంచి వెళ్లిపో యినా.. మీ స్టూడెంట్ వీసా రద్దవుతుంది. భవిష్యత్తులో ఎలాంటి అమెరికా వీసాలకైనా మీరు అర్హతను కోల్పోతారు. సమస్యల బారిన పడకుండా ఉండేందుకు ఈ నిబంధనలను కచ్చితంగా పాటించండి. మీ విద్యార్థి వీసాను కొనసాగించుకోండి' అని యూఎస్ ఎంబసీ వెల్లడించింది.