Kannappa : ‘కన్నప్ప’ కామిక్ బుక్ ఫైనల్ చాప్టర్ వీడియో రిలీజ్
విష్ణు మంచు తన డ్రీమ్ ప్రాజెక్ట్ కన్నప్ప కు సంబంధించిన ప్లానింగ్స్ డిఫరెంట్ గా కనిపిస్తున్నాయి. ప్రమోషన్స్ నుంచి మూవీ థీమ్ వరకూ డిఫరెంట్ గా ప్రజెంట్ చేస్తున్నాడు. జూన్ 27న ప్రపంచ వ్యాప్తంగా విడుదల కాబోతోన్న ఈ మూవీ కోసం ఆల్రెడీ ఇంటర్నేషనల్ ప్రమోషన్స్ స్టార్ట్ చేశాడు. ఇప్పటి వరకూ వచ్చిన టీజర్ తో పాటు పాటలు ఆకట్టుకుంటున్నాయి. సినిమాపై అంచనాలూ పెంచాయి. ఇక కన్నప్ప కథను అందరికీ తెలియాలనే ఉద్దేశంతో కామిక్ బుక్స్ రూపంలోకి విష్ణు మంచు తీసుకు వచ్చాడు.
కామిక్ సిరీస్‌లోని మొదటి రెండు ఎపిసోడ్‌లకు అద్భుతమైన స్పందన లభించింది. ఇప్పుడు మూడో అధ్యాయాన్ని విడుదల చేశారు. ఈ చివరి ఎపిసోడ్ తిన్నడి భావోద్వేగ, ఆధ్యాత్మిక పరివర్తనను సూచిస్తుంది. అతను ఒకప్పుడు దైవత్వం గురించిన ఆలోచనను తిరస్కరిస్తాడు.. కానీ చివరికి శివుని భక్తుడిగా మారుతాడు. కన్నప్పగా మారడానికి అతని అద్భుతమైన ప్రయాణాన్ని ఈ మూడో అధ్యాయం వివరిస్తుంది. భక్తి, ప్రేమ, త్యాగం, విధితో నిండిన ఈ కథ అందరినీ ఆకట్టుకుంటుంది.
ఏఐ ద్వారా క్రియేట్ చేసిన ఈ విజువల్స్, వీడియో అందరినీ అబ్బుర పరిచేలా ఉంది. ఇంతకు మించి అనేలా సినిమాలో విజువల్ ఎఫెక్ట్స్ ఉంటాయని టీం చెబుతోంది. విజువల్ ఎఫెక్ట్స్‌లో జాప్యం వల్లే ఈ మూవీని జూన్ 27కి వ్యూహాత్మకంగా మార్చారు.