Bomb Threat : నీ కారులో బాంబు పెట్టి చంపేస్తం.. సల్మాన్ ఖాన్ కు బెదిరింపులు

బాలీవుడ్ నటుడు సల్మాన్ ఖాన్ కి మారుమారు బెదిరింపులు వచ్చాయి. కారులో బాంబులు పెట్టి చంపుతామంటూ ఆగంతకుడు సందేశం పంపాడు. ఈసారి వర్లిలోని ముంబై రవాణా శాఖ వాట్సాప్ నంబర్ కి మెసేజ్ వచ్చింది. సల్మాన్ ఖాన్ ఇంట్లోకి చొరబడి చంపేస్తామని, అతడి కారును బాంబుతో పేల్చేస్తామని బెదిరించారు. ఈ సంఘటన తర్వాత వర్లీ పోలీస్ స్టేషన్ లో గుర్తుతెలియని వ్యక్తిపై కేసు నమోదైంది. ప్రస్తుతం అధికారులు ఎవరు ఈ మెసేజ్ చేశారనే దానిపై దర్యాప్తు ప్రారంభించారు. గతంలో కూడా పలు మార్లు సల్మాన్ ఖాన్ ఇలాంటి బెదిరింపులే ఎదుర్కొ న్నారు. ముఖ్యంగా లారెన్స్ బిష్ణోయ్ గ్యాంగ్ సల్మాన్ ఖాన్ని హతమార్చేందుకు పలు సందర్భాల్లో రెక్కీ కూడా నిర్వహించింది. దీంతో ఆయనకు ప్రాణహాని ఉండటంతో ప్రభుత్వం ఆయన సెక్యూరిటీని కూడా పెంచింది. కొన్నేండ్లు గా సల్మాన్ ఖాన్ను చంపేస్తామని లారెన్స్ బిష్ణోయ్ గ్యాంగ్ ప్రత్యక్షంగా, పరోక్షంగా బెదిరింపులకు పాల్పడుతున్న విషయం తెలిసిందే. కృష్ణజింకలను వేటాడిన కేసు నేపథ్యం లో పలుమార్లు బిష్ణోయ్ గ్యాంగ్ నుంచి ఖాను బె దిరింపులు ఎదురయ్యాయి. ఈ క్రమంలోనే సల్మాన్ స్నేహితుడు, ఎన్సీపీ నేత బాబా సిద్దిఖీ గతంలో హత్యకు గురయ్యారు. ఈ బెదిరింపులను తేలిగ్గా తీ సుకోవద్దని, సల్మాన్ ఖాన్ ప్రాణాలతో ఉండాలంటే కృష్ణ జింకల విషయంలో గుడి సందర్శించి బహి రంగంగా క్షమాపణ చెప్పాలని లేదా రూ.5 కోట్లు చెల్లించాలని గతంలో డిమాండ్ చేశారు.