Chittoor District : చిత్తూరు జిల్లాలో దారుణం.. భర్త తల నరికిన భార్య..!

Chittoor District : చిత్తూరు జిల్లా రేణిగుంటలో దారుణం జరిగింది. కట్టుకున్న భర్తను భార్యే అతికిరాతకంగా నరికి చంపింది. హత్య అనంతరం భర్త తల తీసుకొని వెళ్లి రేణిగుంట అర్బన్ పోలీస్ స్టేషన్లో లొంగిపోయింది. ఈ దారుణ హత్య పట్టణవాసులను ఉలిక్కిపడేలా చేసింది. రేణిగుంటలో నివాసముండే రవిచందర్, వసుంధర దంపతులకు తరచూ గొడవలు జరుగుతాయని స్థానికులు చెబుతున్నారు. ఘటనా స్థలాన్ని రేణిగుంట పోలీసులు పరిశీలించారు. కుటుంబ కలహాల నేపథ్యంలోనే హత్య జరిగి ఉండొచ్చనే అనుమానం వ్యక్తం చేస్తున్నారు.