కారు డ్రైవ్ చేస్తూ నిద్ర మత్తులో యాక్సిడెంట్ చేసిన సివిల్ ఇంజనీర్.. లా విద్యార్థి మృతి

ఢిల్లీ-జైపూర్ హైవేలోని సర్వీస్ లేన్‌లో మంగళవారం తెల్లవారుజామున రెయిలింగ్ దగ్గర నిలబడి ఉండగా కారు ఢీకొట్టడంతో ఒక లా విద్యార్థి మరణించాడు. అతని స్నేహితుడు తీవ్రంగా గాయపడ్డాడు.

నగరంలోని ఒక ప్రైవేట్ కంపెనీ ఉద్యోగి అయిన మోహిత్ (31) పోలీసులతో మాట్లాడుతూ, కారు నడుపుతున్నప్పుడు తనకు నిద్ర వచ్చిందని చెప్పాడు. అతను సెక్టార్ 14లోని ఒక పీజీలో ఉంటున్నాడు.

మరణించిన విద్యార్థి హర్ష్ సింఘాల్ (25) ఓం నగర్ కాలనీ నివాసి. అతని స్నేహితుడు సెక్టార్ 11 లోని శాంతి నగర్ కు చెందిన అభిషేక్ కుమార్ (23) ఢిల్లీలోని ఒక ప్రైవేట్ ఆసుపత్రిలో చికిత్స పొందుతున్నాడు.

హర్ష్ తన పొరుగున ఉన్న మోక్షుతో కలిసి భోజనం చేయడానికి దాబాకి వెళుతున్నప్పుడు పాత స్నేహితుడు అభిషేక్‌ను కలిశాడు. "హీరో హోండా చౌక్ సమీపంలోని హైవే వెంబడి రైలింగ్ దగ్గర నిలబడి ఒకరితో ఒకరు మాట్లాడుకుంటుండగా కారు వారిని ఢీకొట్టింది. దాబా రద్దీగా ఉంది, కాబట్టి మేము మా వంతు కోసం వేచి ఉన్నాము" అని దాబా వద్ద ఉన్న మోక్ష్ అన్నారు. కారును వెంబడించడానికి ప్రయత్నించినప్పటికీ, డ్రైవర్ అక్కడి నుండి పారిపోయాడని అన్నారు.

యాక్సిడెంట్ విషయమై పోలీసులకు సమాచారం అందించడంతో అప్పమత్తమైన పోలీసులు మోహిత్ ను అరెస్ట్ చేశారు, అతడు నడుపుతున్న హిసార్ నంబర్ HR 20AL 4127 కలిగిన స్కోడా కారును స్వాధీనం చేసుకున్నారు. "నిందితుడు బి.టెక్ గ్రాడ్యుయేట్. అతని కుటుంబం నూర్పూర్ బహోరా గ్రామంలో నివసిస్తుంది, కానీ అతను నగరంలో పనిచేస్తున్నందున పిజిలో ఉంటాడు" అని పోలీసులు తెలిపారు.

హర్ష్ తండ్రి సంతోష్ కుమార్, నిర్లక్ష్యం మరియు ర్యాష్ డ్రైవింగ్ కారణంగా మరణానికి కారణమైనందుకు సెక్టార్ 37 పోలీస్ స్టేషన్‌లో ఎఫ్ఐఆర్ నమోదు చేశారు.