Akshaya Tritiya 2022: అక్షయ తృతీయ.. బంగారం కొనడానికి మంచి సమయం

Akshaya Tritiya 2022: హిందూ క్యాలెండర్ ప్రకారం, అక్షయ తృతీయ వైశాఖ మాసం శుక్ల పక్షం మూడవ రోజున జరుపుకుంటారు. ఈసారి మే 3న జరుపుకోనున్నారు. హిందూ మతంలో దీనికి ఎక్కువ ప్రాధాన్యత ఉంది. అక్షయ తృతీయ రోజున విష్ణుమూర్తిని, లక్ష్మీ దేవిని పూజిస్తారు. ఆ రోజున విష్ణువును చందనంతో అభిషేకిస్తారు. ఇలా చేయడం వల్ల జీవితంలో ఆనందం వెల్లివిరుస్తుంది కుటుంబంలో సామరస్య వాతావరణం నెలకొంటుందని భక్తులు విశ్వసిస్తారు.

అక్షయ తృతీయ రోజున బంగారం కొనడానికి శుభ ముహూర్తంగా భావిస్తారు. ఆ రోజు చేసే పూజా విధానం, ప్రాముఖ్యత గురించి తెలుసుకుందాం.

అక్షయ తృతీయ పూజకు అనుకూలమైన సమయం - ఉదయం 5:39 నుండి మధ్యాహ్నం 12.18 వరకు

బంగారం కొనడానికి సమయం

మే 3వ తేదీ ఉదయం 5:39 నుండి మే 4వ తేదీ ఉదయం 5:38 వరకు. అక్షయ తృతీయ నాడు బంగారం, వెండి కొనుగోలు చేయడం శుభప్రదం

అక్షయ తృతీయ నాడు బంగారం, వెండి కొనుగోలు చేసే సంప్రదాయం ఉంది. ఈ రోజున, బంగారం, వెండి కొనుగోలు చేయడం వల్ల ఇంట్లో లక్ష్మీ దేవి రాకను సూచిస్తుందని, అలాగే లక్ష్మీ దేవి అనుగ్రహం ఇంట్లో ఉంటుందని నమ్ముతారు. ఇది కాకుండా, మీరు ఈ రోజున వాహనాలు లేదా ఇల్లు వంటి వాటిని కూడా కొనుగోలు చేయవచ్చు.

పూజా విధానం

ఈ రోజు బ్రహ్మ ముహూర్తంలో నిద్రలేచి వీలైన వారు నదీ స్నానం ఆచరించాలి. లేదంటే ఇంట్లోనే స్నానాదికాలు పూర్తి చేసుకుని ఆ తరువాత, శ్రీ విష్ణు, లక్ష్మి విగ్రహాలకు అక్షతలు సమర్పించి పూజ చేయాలి.

తెల్లని తామర పువ్వులు లేదా తెల్ల గులాబీలు లేదా పసుపు గులాబీలు, ధూపం, చందనం మొదలైన వాటితో పూజించాలి. పాయసం లేదా పరమాన్నం నైవేద్యంగా సమర్పించాలి. అక్షయ తృతీయ రోజున బ్రాహ్మణులకు భోజనం పెట్టి వారి ఆశీస్సులు తీసుకుంటే మంచిది. ఈ రోజున పండ్లు, పూలు, పాత్రలు, వస్త్రాలు, ఆవు, బియ్యం, ఉప్పు, నెయ్యి, పచ్చిమిర్చి, పంచదార, ఆకుకూరలు మొదలైన వాటిని దానం చేయడం శ్రేయస్కరం.

అక్షయ తృతీయ ప్రాముఖ్యత

అక్షయ తృతీయ రోజు శుభ తేదీల వర్గంలోకి వస్తుంది. ఈ రోజు త్రేతాయుగానికి నాందిగా కూడా పరిగణించబడుతుంది. ఈ రోజు చేసే పని మంచి ఫలితాలను ఇస్తుందని చెబుతారు. 'న క్షయ్ ఇతి అక్షయ్', అంటే, ఎప్పటికీ క్షీణించనివాడు, అతను పునరుద్ధరించదగినవాడు. అందువల్ల, ఈ రోజున ఏ శుభకార్యం, పూజలు లేదా దానధర్మాలు చేసినా, అవన్నీ మంచి ఫలితాలు అందిస్తాయి. అంతా శుభం జరుగుతుంది.