Nagarjuna Sagar Reservoir : నాగార్జునసాగర్‌ జలాశయానికి భారీగా వదర ప్రవాహం

నాగార్జునసాగర్ జలాశయానికి భారీగా వరద ప్రవాహం వస్తోంది. నాగార్జునసాగర్ పూర్తిస్థాయి నీటిమట్టం 590 అడుగులు కాగా, ప్రస్తుతం నీటిమట్టం దాదాపు 586 అడుగులకు చేరుకుంది. ఎగువన ఉన్న శ్రీశైలం ప్రాజెక్టు నుంచి భారీగా వరద వస్తుండటంతో, నాగార్జునసాగర్‌కు ఇన్-ఫ్లో దాదాపు 4 లక్షల క్యూసెక్కుల కంటే ఎక్కువగా నమోదవుతోంది. జలాశయం నిండుకుండలా మారడంతో, అధికారులు ప్రాజెక్టు గేట్లను ఎత్తి నీటిని దిగువకు విడుదల చేస్తున్నారు. ప్రస్తుతం 26 గేట్లు ఎత్తి దాదాపు 3 లక్షల క్యూసెక్కుల నీటిని విడుదల చేస్తున్నారు. ఎగువన కృష్ణానది పరివాహక ప్రాంతాల్లో కురుస్తున్న భారీ వర్షాల కారణంగా శ్రీశైలం ప్రాజెక్టు నిండిపోయింది. దీంతో శ్రీశైలం గేట్లు ఎత్తి నీటిని దిగువకు విడుదల చేయడంతో ఆ వరద ప్రవాహం నాగార్జునసాగర్‌కు చేరుకుంటోంది. ఈ సీజన్‌లో ఇంత భారీగా వరద రావడం ఇదే మొదటిసారి.