Heart attack: ఆడుకుంటూ గుండెపోటుతో మరణించిన 10 ఏళ్ల బాలుడు..
మహారాష్ట్రలోని కొల్హాపూర్‌లో ఓ 10 సంవత్సరాల బాలుడు ఆడుకుంటూ గుండెనొప్పికి లోనై మరణించాడు. ఈ విషాద ఘటన కొల్హాపూర్‌ జిల్లాలోని కొడోలి గ్రామంలో శనివారం చోటుచేసుకుంది. శ్రావణ గావడే అనే బాలుడు తన స్నేహితులతో కలసి వినాయక మండపం వద్ద ఆడుకుంటుండగా ఇబ్బందిగా అనిపించడంతో వెంటనే ఇంటికి వెళ్లిపోయాడు. తల్లి ఒడిలో తల పెట్టుకున్న ఆ బాలుడు తీవ్రమైన గుండెనొప్పి వచ్చి అక్కడికక్కడే మరణించాడు. బాలుడి మరణంలో కోడోలి గ్రామంలో విషాదఛాయలు అలుముకున్నాయి. బాలుడి తండ్రి అజిత్ గవాడే కుటుంబం కోడోలిలోని వైభవ్ నగర్‌లో నివసిస్తోంది. అజిత్ గవాడేకు ఇద్దర పిల్లలు, ఒక కుమారుడు, ఒక కుమార్తె. కుమార్తె నాలుగు ఏళ్ల క్రితం మరణించింది. ఇప్పుడు వారి ఏకైక కుమారుడు శ్రావణ్ మరణించడంతో ఆ కుటుంబం తీవ్ర దు:ఖంలో మునిగిపోయింది. మరో ఘటనలో ఓ 45 ఏండ్ల మరాఠా రిజర్వేషన్‌ ఆందోళనకారుడు ఆగస్టు 31న ముంబైలోని ఆజాద్‌ మైదాన్‌లో గుండెపోటుకు గురై స్పృహ తప్పి పడిపోయాడు. దవాఖానలో చేరి చికిత్స తీసుకున్నాడు. అదే కోటా ఆందోళనలో పాల్గొన్న విజయ్‌కుమార్‌ చంద్రకాంత్‌ ఘోగారే అనే నిరసనకారుడు గుండెపోటుతోమరణించాడు.