ఐఏఎస్ దంపతుల కుమార్తె ఆత్మహత్య.. 'ఎవరినీ నిందించవద్దు' అని నోట్
మహారాష్ట్ర కేడర్ ఐఏఎస్ అధికారుల కుమార్తె అయిన 27 ఏళ్ల మహిళ సోమవారం తెల్లవారుజామున దక్షిణ ముంబైలోని ఎత్తైన అపార్ట్‌మెంట్ 10వ అంతస్తు నుంచి దూకి ఆత్మహత్యకు పాల్పడిందని పోలీసులు తెలిపారు.
రాష్ట్ర సచివాలయం మంత్రాలయ సమీపంలోని సురుచి అపార్ట్‌మెంట్‌లో తెల్లవారుజామున 4 గంటలకు లిపి ఆత్మహత్యకు పాల్పడింది. ఆమె న్యాయ విద్యార్థిని. హర్యానాలోని సోనిపట్‌లో ఎల్‌ఎల్‌బి కోర్సును అభ్యసిస్తున్నారు. అకడమిక్స్‌లో తన పనితీరు గురించి ఆమె ఆందోళన చెందిందని, దీంతో ఆమె తీవ్ర చర్య తీసుకోవలసి వచ్చిందని పోలీసులు చెప్పారు.
లిపిని వెంటనే జిటి ఆసుపత్రికి తీసుకెళ్లగా, ఆమె చనిపోయినట్లు నిర్ధారించారు. ఆమె మృతికి ఎవరినీ నిందించవద్దని రాసిన సూసైడ్ నోట్‌ని పోలీసులు స్వాధీనం చేసుకున్నారు. కఫ్ పరేడ్ పోలీస్ స్టేషన్‌లో అసహజ మరణంగా కేసు నమోదైంది.
లిపి తండ్రి వికాస్ రస్తోగి మహారాష్ట్రలోని ఉన్నత మరియు సాంకేతిక విద్యా శాఖలో ప్రధాన కార్యదర్శి. ఆమె తల్లి రాధిక రస్తోగి కూడా రాష్ట్ర ప్రభుత్వంలో పనిచేస్తున్న సీనియర్ IAS అధికారి.