Modi Laddu: ఈ దీపావళికి మరింత ప్రత్యేకంగా మోడీ లడ్డూ..

ప్రధాన మంత్రి నరేంద్ర మోదీ గురించి ప్రత్యేకంగా చెప్పాల్సిన అవసరం లేదు. ఆయనకు భారత్‌తోపాటు విదేశాల్లో కూడా ఫ్యాన్‌ ఫాలోయింగ్‌ ఎక్కువే. అంతేకాదు ప్రజాదరణ పొందిన గొప్ప నేతల్లో మోదీ ముందు వరుసలో ఉంటారు. ఈ నేపథ్యంలో ప్రధాని మోదీపై ఉన్న అభిమానంతో బీహార్‌కు చెందిన ఓ వ్యాపారి ప్రత్యేకమైన లడ్డూలను తయారు చేస్తున్నారు.

బిహార్‌లోని సంజీవ్‌ శర్మ ఓ స్వీట్‌షాప్‌ నడిపిస్తున్నారు. ఆయనకు మోడీ అంటే ఎంతో ఇష్టం. దీంతో మోడీ మొదటిసారి ప్రధానిగా బాధ్యతలు తీసుకున్నప్పుడు రాయల్‌ లడ్డూలకు ‘మోడీ లడ్డూ’ అనే పేరును పెట్టాడు. ఈ లడ్డూలతో అతడికి మంచి పేరు కూడా వచ్చింది. అయితే, ఈ దీపావళి పండగకు మోడీ లడ్డూలను మరింత ప్రత్యేకంగా తయారు చేయాలనుకున్నారు. అందుకనే దీపావళి సందర్భంగా తయారు చేసే లడ్డూలలో పవిత్రమైన గంగాజలాన్ని కలుపుతున్నట్లు ఆ స్వీట్ షాప్ వ్యాపారి వెల్లడించారు.

ఇక, మోడీ తొలిసారి ప్రధాని అయినప్పుడు ఆయన గౌరవార్థం మోడీ లడ్డూలను తయారు చేశామని వ్యాపారి సంజీవ్ శర్మ తెలిపారు. ఈ లడ్డూలకు ఎంతో ప్రజాదరణ రావడంతో పాటు నాకు మంచి పేరు కూడా వచ్చిందన్నారు. ఈ లడ్డూల తయారీలో దేశీయంగా తయారైన నెయ్యి, కుంకుమ పువ్వు, బాదం, పిస్తాలను వినియోగిస్తున్నాం.. ప్రధాన మంత్రి నరేంద్ర మోడీ వారణాసి పార్లమెంట్ సభ్యులు కాబట్టి.. ఈ దీపావళికి ప్రత్యేకంగా పవిత్రమైన గంగాజలంతో మోడీ లడ్డూలను తయారు చేస్తున్నామన్నారు. ఈ లడ్డూలతో గంగా, యమున, సరస్వతి నదుల నాగరికత చరిత్రను ప్రపంచవ్యాప్తంగా వ్యాప్తి చేయాలనేది నా యొక్క ఉద్దేశం అని స్వీట్ షాప్ వ్యాపారి సంజీవ్‌ శర్మ పేర్కొన్నారు.