Mumbai : ముంబైలో భారీ వర్షాలు.. ఎల్లో అలర్ట్

ముంబైలో భారీ వర్షాలు కురుస్తున్నాయి. భారత వాతావరణ శాఖ (IMD) ముంబైతో పాటు థానే, రాయగఢ్, పుణె, రత్నగిరి జిల్లాలకు ఆగస్టు 16 వరకు 'ఎల్లో అలర్ట్' జారీ చేసింది. అంటే ఈ ప్రాంతాల్లో భారీ వర్షాలు కురిసే అవకాశం ఉంది. బుధవారం రాత్రి నుంచి ముంబైలోని కొన్ని ప్రాంతాల్లో ఎడతెరిపి లేకుండా వర్షం కురుస్తోంది. వాడాల, బోరివలి, మలాడ్, కందివలి, గోరేగావ్, అంధేరీ వంటి ప్రాంతాల్లో ఉదయం నుంచి మోస్తరు నుంచి భారీ వర్షాలు కురుస్తున్నాయి. ర్షాల కారణంగా నగరంలోని పలు ప్రాంతాలు జలమయం అయ్యాయి. ముఖ్యంగా వాడాల వంటి ప్రాంతాల్లో నీరు నిలిచిపోవడంతో వాహనాలు నెమ్మదిగా కదులుతున్నాయి. దీంతో ట్రాఫిక్ ఇబ్బందులు ఎదురవుతున్నాయి. MD అంచనా ప్రకారం, ఈరోజు (గురువారం) ముంబైలో సాధారణంగా మేఘావృతమై ఉండి, భారీ వర్షాలు కురిసే అవకాశం ఉంది. పగటి ఉష్ణోగ్రతలు సుమారు 30°C మరియు రాత్రి ఉష్ణోగ్రతలు 25°C వరకు ఉండవచ్చు. రాబోయే రెండు రోజుల్లో కూడా వర్షాలు కొనసాగుతాయని అంచనా. ప్రస్తుతం ముంబైలో వర్షాలు కురుస్తున్న నేపథ్యంలో, ప్రజలు జాగ్రత్తగా ఉండాలని మరియు అవసరమైతే ప్రయాణాలకు దూరంగా ఉండాలని అధికారులు సూచించారు.