Himachal Pradesh CM : వైల్డ్ చికెన్‌’ వివాదంలో హిమాచల్‌ప్రదేశ్‌ సీఎం

హిమాచల్ ప్రదేశ్‌ ముఖ్యమంత్రి సుఖ్విందర్ సింగ్ సుఖు వరుసగా వివాదాల్లో చిక్కుకుంటున్నారు. తాజాగా వైల్డ్‌ చికెన్ వ్యవహారం ఆయన్ను ఇబ్బందిపెడుతోంది. సీఎం పాల్గొన్న కార్యక్రమంలో చికెన్ వడ్డించిన వీడియో వైరల్ కావడంతో విమర్శలు వ్యక్తమవుతున్నాయి. శిమ్లాలో జరిగిన ఓ కార్యక్రమంలో సీఎం, ఇతర నేతలు పాల్గొన్నారు. దానిలో భాగంగా ఏర్పాటు చేసిన విందు మెనూలో వైల్డ్‌ చికెన్ కూడా ఉంది. అలాగే దానిని వడ్డించిన వీడియో వైరల్ అయింది. సుఖు ఆ వంటకం తిననప్పటికీ ఆరోగ్యశాఖ మంత్రి, ఇతర అతిథులకు నిర్వాహకులు దానిని వడ్డించారు. ఆ చికెన్‌ను మెనూలో చేర్చడాన్ని తప్పుపడుతూ జంతు సంరక్షణ సంస్థ ఒకటి వీడియోను పోస్టు చేసింది. దాంతో ఈ విషయం వెలుగులోకి వచ్చింది.