PM Modi Security : ప్రధాని మోడీ సెక్యూరిటీ మహిళ.. కంగ పోస్ట్ వైరల్
ప్రధానమంత్రి నరేంద్రమోదీ భద్రతా వలయంలో మహిళా కమాండోలు హాట్ టాపిక్ అయ్యారు. BJP ఎంపీ, బాలీవుడ్‌ నటి కంగనా రనౌత్‌ షేర్‌ చేసిన ఓ ఫొటోనే కారణం . పార్లమెంట్ వద్ద ప్రధాని నడుస్తుండగా ఆయన వెనక ఓ మహిళా భద్రతా సిబ్బంది ఆ ఫొటోలో కనిపించారు. ఈ చిత్రాన్ని కంగన తన ఇన్‌స్టాగ్రామ్‌ స్టోరీస్‌లో పంచుకున్నారు. దీంతో ఈ ఫొటో కాస్తా వైరల్‌గా మారింది. అయితే ఆమె ఎవరన్న దానిపై నెట్టింట్లో చర్చ జరుగుతోంది. ఆమె ప్రధాని భద్రతా బృందం అయిన స్పెషల్‌ ప్రొటెక్షన్ గ్రూప్‌-SPG లో సభ్యురాలే వుంటుందని నెటిజన్లు చర్చించుకుంటున్నారు. దీంతో ప్రధాని భద్రతలో మహిళా కమాండో ఉన్నారనే వార్త చక్కర్లు కొడుతోంది. దీనిపై భద్రతా వర్గాలు స్పందించాయి. కొందరు మహిళా ఎస్‌పీజీ కమాండోలు ‘క్లోజ్‌ ప్రొటెక్షన్ టీమ్‌’లో సభ్యులుగా ఉన్నట్లు తెలిపాయి. అయితే, ఈ చిత్రంలో కన్పించిన మహిళ మాత్రం ఎస్‌పీజీ బృందంలో భాగం కాదని స్పష్టంచేశాయి. ఆమె రాష్ట్రపతి ద్రౌపదీ ముర్ముకు కేటాయించిన పర్సనల్‌ సెక్యూరిటీ ఆఫీసర్‌ అని తెలిపాయి. వారి కుటుంబసభ్యులకు మాత్రమే ఈ భద్రత కల్పిస్తారని తెలిపాయి.
