PM Modi : అజ్మీర్ ఉర్సుకు 'చాదర్' పంపిన మోడీ

అజ్మీర్ దర్గా వివాదం నేపథ్యంలో ముస్లింల ఉర్స్ ఉత్సవాలకు చాదర్ పంపే సంప్రదాయాన్ని ప్రధాని నరేంద్ర మోడీ కొనసాగించారు. అజ్మీర్ షరీఫ్ దర్గాలో ఖ్వాజా మొయినుద్దీన్ చిస్తీ 'ఉర్స్' సందర్భంగా గురువారం ప్రధానమంత్రి ఉత్సవ 'చాదర్'ను అందజేశారు. దర్గాను సర్వేచేయాలని కోరుతూ దాఖలైన పిటిషన్ ను విచారించాలని అజ్మీర్ కోర్టు నవంబర్ 28న నిర్ణయించడంతో వివాదం చెలరేగింది. దేశంలోని వివిధ ప్రాంతాల్లో దాఖలైన పిటిషన్లపై స్థానిక కోర్టులు ఎలాంటి చర్యలు తీసుకోకుండా సుప్రీంకోర్టు నిషేధం విధించింది. సూఫీ సన్యాసి వర్ధంతి జ్ఞాపకార్థం అతని మందిరంలో ప్రతి సంవత్సరం 'ఉర్స్' నిర్వహిస్తారు. వార్షిక సంప్రదాయం లో ప్రధానమంత్రి 'చాదర్'ను సమర్పించడం కూడా ఉంటుంది. సాంప్రదాయకంగా, మైనారిటీ వ్యవహారాల కేంద్ర మంత్రి ఈ ముఖ్యమైన సందర్భంలో ప్రధానమంత్రి తరఫున ప్రాతినిధ్యం వహిస్తారు. జనవరి 4న చాదర్ సమర్పణ కార్యక్రమం కోసం అజ్మీరు వెళ్లనున్న కేంద్ర మైనారిటీ వ్యవహారాల మంత్రి కిరణ్ రిజిజుకు శుక్రవారం 'చాదర్' అందజేశారు. ప్రధాని మోడీ, బీజేపీ మైనారిటీ మోర్చా అధ్యక్షుడు జమాల్ సిద్ధిఖీతో కలిసి వున్న ఫొటోను కిరన్ రిజిజు ఎక్స్ పోస్ట్ చేశారు.