Maharashtra: శివసేనకు మరోసారి సుప్రీంకోర్టులో ఎదురుదెబ్బ.. పిటిషన్ వాయిదా..

Maharashtra: శివసేనకు మరోసారి సుప్రీంకోర్టులో ఎదురుదెబ్బ తగిలింది. మహారాష్ట్ర ముఖ్యమంత్రిగా ఏక్‌ నాథ్ షిండే ప్రమాణ స్వీకారం చేసినా.. అక్కడ రాజకీయ రగడ కొనసాగుతూనే ఉంది. తాజాగా శివసేన పార్టీ మరోసారి ఈ విషయంపై సుప్రీంకోర్టును ఆశ్రయించింది. అనర్హత వేటుపై తుదినిర్ణయం తీసుకునే వరకు కొత్త సీఎం షిండేతోపాటు.. మరో 15 మంది ఎమ్మెల్యేలను సస్పెండ్ చేయాలని పిటిషన్ దాఖలు చేసింది.

ఈ మేరకు శివసేన చీఫ్‌ విప్ సునీల్ ప్రభు సుప్రీకోర్టులో పిటిషన్ వేశారు. అయితే దీనిపై అత్యవసర విచారణ చేపట్టాలని సీనియర్ న్యాయవాది కపిల్ సిబల్ కోరారు. అయితే దీనితో పాటు పెండింగ్‌లో ఉన్న ఇతర పిటిషన్లను ఈ నెల 11వ తేదీన విచారిస్తామని సుప్రీంకోర్టు ధర్మాసనం స్పష్టంచేసింది. అయితే రేపు స్పీకర్ నామినేషన్ ప్రక్రియ చేపట్టనుంది. ఎల్లుండి స్పీకర్ ఎన్నిక చేపట్టి.. ఈనెల 4వ తేదీన బలపరీక్ష నిర్వహించనున్నారు. ఇందుకు సంబంధించి ఏర్పాట్లను ప్రారంభించారు.