BCCI: గ్రేడ్ బీలో టీమిండియా మాజీ కెప్టెన్లు

భారత క్రి­కె­ట్ ఆట­గా­ళ్ల­కు సం­బం­ధిం­చిన తాజా వా­ర్షిక ఒప్పం­దాల జా­బి­తా­ను బీ­సీ­సీఐ ప్ర­క­టిం­చిం­ది. ఈ జా­బి­తా­లో కొ­న్ని కీలక మా­ర్పు­లు చో­టు­చే­సు­కో­వ­డం­తో క్రి­కె­ట్ వర్గా­ల్లో చర్చ మొ­ద­లైం­ది. ము­ఖ్యం­గా మాజీ కె­ప్టె­న్లు రో­హి­త్ శర్మ, వి­రా­ట్ కో­హ్లీ గ్రే­డ్-ఏ నుం­చి గ్రే­డ్-బీకి మా­ర­డం అభి­మా­ను­ల­ను ఆశ్చ­ర్యా­ని­కి గు­రి­చే­సిం­ది. తాజా ఒప్పం­దాల ప్ర­కా­రం, గ్రే­డ్-ఏ వి­భా­గం­లో శు­భ్‌­మ­న్ గిల్, జస్ప్రీ­త్ బూ­మ్రా, రవీం­ద్ర జడే­జా­ల­కు చోటు దక్కిం­ది. గ్రే­డ్-బీ కే­ట­గి­రీ­లో రో­హి­త్ శర్మ, వి­రా­ట్ కో­హ్లీ­తో పాటు కే­ఎ­ల్ రా­హు­ల్, మహ్మ­ద్ సి­రా­జ్, హా­ర్ది­క్ పాం­డ్యా, వా­షిం­గ్ట­న్ సుం­ద­ర్, రి­ష­బ్ పంత్, కు­ల్దీ­ప్ యా­ద­వ్, యశ­స్వి జై­స్వా­ల్, సూ­ర్య­కు­మా­ర్ యా­ద­వ్, శ్రే­యా­స్ అయ్య­ర్‌­ల­ను బీ­సీ­సీఐ చే­ర్చిం­ది. ఇక గ్రే­డ్-సీ జా­బి­తా­లో అక్ష­ర్ పటే­ల్, తి­ల­క్ వర్మ, రిం­కు సిం­గ్ సహా మొ­త్తం 16 మంది ఆట­గా­ళ్లు చోటు సం­పా­దిం­చా­రు.

ఇప్పటివరకు గ్రేడ్-ఏలో కొనసాగిన రోహిత్, కోహ్లీలను గ్రేడ్-బీకి మార్చడం వెనుక స్పష్టమైన కారణం ఉందని బీసీసీఐ వర్గాలు తెలిపాయి. ప్రస్తుతం ఈ ఇద్దరు సీనియర్ ఆటగాళ్లు అన్ని ఫార్మాట్లలో ఆడటం లేదు. ఇప్పటికే టీ20 అంతర్జాతీయ క్రికెట్‌కు వీడ్కోలు పలికిన వీరు, టెస్ట్ క్రికెట్‌కూ దూరంగా ఉన్నారు. ప్రస్తుతం వన్డే ఫార్మాట్‌లో మాత్రమే దేశానికి ప్రాతినిధ్యం వహిస్తున్నారు. బీసీసీఐ ఒప్పందాల నిబంధనల ప్రకారం, అన్ని ఫార్మాట్లలో రెగ్యులర్‌గా ఆడే కీలక ఆటగాళ్లకే గ్రేడ్-ఏలో స్థానం లభిస్తుంది. ఈ కారణంగానే పరిమిత ఫార్మాట్లకే పరిమితమైన రోహిత్, కోహ్లీలను గ్రేడ్-బీకి కేటాయించినట్లు సమాచారం. ఈ మార్పు వారి స్థాయి తగ్గింపుగా కాకుండా, కేవలం ఫార్మాట్‌ల ఆధారంగా తీసుకున్న పరిపాలనా నిర్ణయమని బోర్డు వర్గాలు స్పష్టం చేస్తున్నాయి. అయితే ఈ నిర్ణయంతో అభిమానుల్లో అనేక అనుమానాలు మొదలయ్యాయి. రానున్న వన్డే ప్రపంచకప్ వరకు ఈ ఇద్దరు కొనసాగుతారా? లేక భవిష్యత్ ప్రణాళికల్లో మార్పులున్నాయా? అనే ప్రశ్నలు తెరపైకి వచ్చాయి. దీనిపై బీసీసీఐ నుంచి అధికారిక స్పష్టత రాకపోయినా, ప్రస్తుతానికి ఇది ఒప్పందాల నిబంధనల ప్రకారమే తీసుకున్న నిర్ణయమని తెలుస్తోంది.